ცხელი ხაზი : 599647050

ქალაქი წალენჯიხა

ტარიელ ჯანჯღავა

მერის   წარმომადგენელი  ქალაქ  წალენჯიხაში  
საკონტაქტო ინფორმაცია
ტელ:-599857200
emeil-tarieljanjgava@gmail.com

განათლება-უმაღლესი

1968-72 წწ. სოხუმის ა.მ. გორკის სახელობის პედაგოგიური ინსტიტუტის კურსდამთავრებული.

სპეციალობა-ფიზიკა-მათემატიკოსი.

სამუშაო გამოცდილება-1972-74 წწ.მედანის  სკოლის მათემატიკის პედაგოგი.

1975-80 წწ.სოფელ ჯგალის მათემატიკის მასწავლებელი.

1980-83  წწ.სოფელ ლიის  სკოლის დირექტორი.

1983-98  წწ.  განათლების რაიონული განყოფილების გამგე.

1998-2002  წწ.წალენჯიხის საკრებულოს თავმჯდომარის მოადგილე.

2002-2004 წწ.წალენჯიხის რაიონის გამგებლის პირველი მოადგილე.

2004-2006 წწ.წალენჯიხის რაიონის გამგებლის მოვალეობის შემსრულებელი.

2011-2016  წწ. სასპორტო  ცენტრისმთავარი  სპეციალისტი.

2016  წლიდან დღემდემერის წარმომადგენელი ქალაქ წალენჯიხაში.

ენების ცოდნა-ქართული, რუსული.

კომპიუტერული პროგრამები-MICROSOFT OFFICE WORD< MICROSIOFT OFFICE EXCEL>

ojaxuri mdgomareoba-daojaxebuli.


 

 წალენჯიხა, ქალაქი საქართველოში, წალენჯიხის მუნიციპალიტეტის ადმინისტრაციული ცენტრი. მდებარეობს მდინარე ჭანისწყლის ნაპირზე, ზღვის დონიდან 222 მ სიმაღლეზე. ქალაქად გამოცხადდა 1964 წელს.   ქალაქში არის სამრეწველო საწარმოები, ჯანდაცვის, განათლებისა და კულტურის დაწესებულებები.
წალენჯიხა, მეგრული „წენდიხა“, ჭანისწყალი მეგრული „წენწყარი“ მდინარისა და გეოგრაფიული პუნქტის ამგვარი სახელწოდებანი დადასტურებულია როგორც ქართული, ასევე უცხოური წყაროების მიერ. წალენჯიხა და მისი მიდამოები დასავლურ ქართველ ტომთა თავდაპირველი სამოსახლო ადგილი ყოფილა. ისტორიული წყაროებიდან ცნობილია, რომ მუნიციპალიტეტის ტერიტორია დასახლებული ყოფილა ჯერ კიდევ მაშინ, როცა ადამიანი ქვისა და ბრინჯაოს იარაღებს ხმარობდა. წალენჯიხის ტერიტორიაზე დასავლურ ქართული ტომები სწორედ რომ ამ ხანიდან ცხოვრობდნენ. ამაზე მიუთითებს თვით ამ პუნქტისა და მდინარის სახელწოდებანი „ჭელენჯიხა“, „წენდიხა“ წალენჯიხა. მე-10 მე-11 საუკუნეებში წალენჯიხა მნიშვნელოვანი დასახლებული პუქტი ყოფილა, ამას ადასტურებს იმ დროისათვის ისეთი დიდი და მნიშვნელოვანი ეკლესია როგორიცაა მაცხოვრის ფერისცვალების ტაძარი. ამ დროიდან მოყოლებული წალენჯიხის მნიშვნელობა თანდათან იზრდებოდა ისე რომ მე-13 მე-14 საუკუნეებისათვის ის დადიანების ერთადერთ რეზიდენციად იქცა. აქ ჰქონდათ სასახლე, საჭურჭლე (საგანძური) და როგორც ჩანს საგვარეულოს სამარხიც. ქალაქის მნიშვნელობის ამგვარმა ზრდამ გამოიწვია მე-14 საუკუნეშივე ოდიშის ერთ-ერთი მნიშვნელოვანი საეპისკოპოსოს გადატანა წალენჯიხაში. საეპისკოპოს ცენტრის წალენჯიხაში გადატანამ გამოიწვია ის დიდი მშენებლობანი და აგრეთვე წალენჯიხის ეკლესიის მოხატვა მე-14 საუკუნეში, ვამეყ დადიანის დროს (1384—1396 წ. წ.). დადიანების რეზიდენციათა შორის წალენჯიხა დიდხანს იყო ერთ-ერთი უპირველესი.
აკადემიკოს სიმონ ჯანაშიას უდავოდ მიაჩნია რომ ‘წენი" ანუ ‘წანი" იყო ერთ-ერთი ტომთაგანი ჭანური-მეგრული განშტოებისა და არა საკუთრივ ზანები, დღევანდელი მეგრელები, სწორედ ამ „წანი“ ტომისაგან მიიღო თავისი სახელწოდება ამ ადგილმა და იმ ციხემ (ჯიხამ), რომელიც მათ ეკუთვნოდათ (წენ-დიხა) და იმ მდინარემაც, რომელიც ციხეს ჩაუდიოდა (წენ-წყალი).

გააზიარე