წალენჯიხის მუნიციპალიტეტის მერმა გიორგი ხარჩილავამ და მერის მოადგილემ თამარ ბელქანიამ ქალთა საერთაშორისო დღე 8 მარტი საგანგებო სიტუაციების კოორდინაციისა და გადაუდებელი დახმარების ცენტრის წალენჯიხისა და ჯვარის სამსახურების ქალბატონებს მიულოცეს, წარმატებები,ქალური ბედნიერება და დიდი ხნის სიცოცხლე უსურვეს.

“ქალთა დღე ქალთა მიერ ბრძოლის და უფლებების მოპოვებით დაიწყო და საბოლოო ჯამში ქალთა საერთაშორისო დღედ გამოცხადდა და დღესასწაულად ჩამოყალიბდა. ამ დღეს ჩვენ ხაზს ვუსვამთ ქალთა როლს სახელმწიფოს, საზოგადოების, ეკონომიკურ-პოლიტიკურ ცხოვრებაში და ეს დღესასწაული გახდა გაცილებით უფრო თბილი,შეაღწია ყველა ოჯახში და ამ დღეს, ვულოცავთ ჩვენს დიდებულ ქალბატონებს, ჩვენს ბებოებს, დედიკოებს, მეუღლეებს, მეგობრებს, კოლეგებს და ვუსურვებთ მათ მეტ როლს საზოგადოებრივ და სახელმწიფოებრივ ცხოვრებაში. მეტ სიკეთეს და სითბოს ოჯახებში.

წალენჯიხის მუნიციპალიტეტმა წელს განსაკუთრებული ყურადღება მიაქცია ექთნების, სასწრაფო-გადაუდებელი დახმარების ექიმების თავდაუზოგავ შრომას.
ეს ადამიანები საკუთარი კვალიფიკაციით, საკუთარი შესაბამისად აუნაზღაურებელი შრომით , ძალიან საიმედოები არიან ჩვენი მოსახლეობისათვის. სწორედ მოსახლეობის სახელით უხდის მერია მათ მადლობას სიმბოლური ფულადი საჩუქრების გადაცემით. კიდევ ერთხელ ვულოცავ წალენჯიხელ ქალბატონებს, ქართველ ქალბატონებს და ზოგადად მსოფლიოს ყველა ქალბატონს 8 მარტს, თბილ და ბრწყინვალე დღესასწაულს”-აღნიშნა გიორგი ხარჩილავამ.

“ძალიან მნიშვნელოვანია მხარდაჭერა სამედიცინო სექტორისადმი.
სასწრაფო-გადაუდებელი დახმარება ეს არის პრაქტიკულად ერთადერთი სეგმენტი წალენჯიხაში, რომლითაც ჯანდაცვის ცალკეული სერვისები ხელმისაწვდომია ხალხისთვის და მე მგონია,ეს უპრეცედენტო მხარდაჭერა და ჩვენი დამოკიდებულება ამ ხალხისადმი,არამხოლოდ სასწრაფოს წარმომადგენლებისადმი, არამედ იმ ექთნებისადმი,რომლებიც წლების განმავლობაში წალენჯიხის მუნიციპალიტეტის ხალხის სამსახურში იყვნენ, ჩვენ მათ უნდა ვუთხრათ მადლობა. ვულოცავთ ქალბატონებს და ვუსურვებთ ხალხის სამსახურში ცხოვრებას.”-განაცხადა თამარ ბელქანიამ.

8 მარტთან დაკავშირებით, გიორგი ხარჩილავას ინიციატივით, ფულადი საჩუქრები გადაეცათ სასწრაფო სამედიცინო ცენტრის მედ-პერსონალს, საპენსიო ასაკის მქონე მედდებს,რომლებიც ამჟამად არ მუშაობენ და 100 წელს გადაცილებულ ქალბატონებს.
100-100 ლარის ოდენობის თანხა საერთო ჯამში 100 წელს გადაცილებულ 5 ქალბატონს,
35 სასწრაფოსა და 112 საპენსიო ასაკის მედდას გადაეცა.

წალენჯიხის მუნიციპალიტეტის მერმა გიორგი ხარჩილავამ მერის წარმომადგენლებთან ადმინისტრაციული ერთეულების მიხედვით და მერიის სტუქტურულ ერთეულებთან სამუშაო შეხვედრა გამართა.

შეხვედრაზე გასული 2023 წლის სამუშაოები შეაჯამა, მიმდინარე და განსახორციელებელ ინფრასტრუქტურულ პროექტებზე ინფორმაციები მოისმინა და სამომავლოდ შესასრულებელ სამუშაოებზე ისაუბრა.

გიორგი ხარჩილავამ ხაზი გაუსვა სტიქიის სალიკვიდაციო ფარგლებში და სოფლის მხარდაჭერის პროგრამებით განსახორციელებელ პროექტებს.
აღსანიშნავია,რომ სტიქიამ წალენჯიხის მუნიციპალიტეტს მნიშვნელოვანი ზარალი მიაყენა, დაზიანდა საცხოვრებელი სახლები, სანიაღვრე არხები და ხიდ-ბოგირები.
სამუშაოების პირველი ეტაპი დასრულდა,აღრიცხულიქნა სტიქიით მიყენებული ზარალის ოდენობა.
გაზაფხულზე კი, სტიქიის სალიკვიდაციო ფარგლებში სამუშაოები აქტიურად განხორციელდება.
მან ასევე, ცენტრალური და შიდა სასოფლო გზების მოწესრიგების აუცილებლობაზე ისაუბრა.
მერის წარმომადგენლებს დაევალათ განსაკუთრებული ყურადღება მიაქციონ ადმინისტრაციულ ერთეულებში ტერიტორიების დასუფთავების საკითხებს და ყოველდღიური მონიტორინგი გაწიონ პროექტების განხორციელების მიმდინარეობისას.

დღეს, 5 მარტს, წალენჯიხას ახალგაზრდული პროგრამების ხელმძღვანელი, საზოგადოებრივ საქმეთა განყოფილება ამერიკის საელჩოში, სარა ქრეიგელი სტუმრობდა. მან ამერიკული კუთხე დაათვალიერა, რომელიც ერთი წლის წინ ამერიკის ყოფილი ელჩის, კელი დეგნანის რეკომენტაციით გაიხსნა.

ქრეიგელისთვის ეს მუნიციპალიტეტში პირველი ვიზიტია. მან წალენჯიხაში საჩუქრებიც ჩამოიტანა. სტუმარს მუნიციპალიტეტის მერი გიორგი ხარჩილავა,მერის მოადგილე თამარ ბელქანია და ადგილობრივი ახალგაზრდები შეხვდნენ.
შეხვედრაზე ისაუბრეს სამომავლოდ განსახორციელებელ პროექტებზე.
გიორგი ხარჩილავას თქმით: წალენჯიხაში სულ მალე ახალგაზრდული ცენტრი აშენდება,რომელიც ყველა სფეროს მოიცავს და ახალგაზრდებს უფრო მეტ შესაძლებლობებს მისცემს.

წალენჯიხის მუნიციპალიტეტის მერის მოადგილე თამარ ბელქანიამ მადლობა გადაუხადა სტუმრებს და სთხოვა მხარდაჭერა მომავალში გამყოფი ხაზის მიმდებარე ტერიტორიაზე მცხოვრები ბავშვებიც ჩაერთონ ამ პროექტში და საერთოდ, რაც შეიძლება ბევრმა წალენჯიხელმა ახალმა თაობამ მიიღოს განათლება ამერიკულ თაროში.

მუნიციპალიტეტის მერია კი, მზადყოფნას გამოთქვას თავისი კუთხითაც სრული მხარდაჭერა გამოხატოს პროექტის განსახორციელებლად.
დასარულს მერის მოადგილემ თამარ ბელქანიამ სტუმრებს, მუნიციპალიტეტის სახელით მცირედი საჩუქრები გადასცა.

წალენჯიხის მუნიციპალიტეტის მერმა გიორგი ხარჩილავამ მერის წარმომადგენლებთან მორიგი სამუშაო შეხვედრა გამართა.

შეხვედრაზე ისაუბრეს ადმინისტრაციულ ერთეულებში მიმდინარე და განსახორციელებელ ინფრასტრუქტურულ პროექტებზე.

ყურადღება გაამახვილეს სოფლებში არსებულ ვითარებაზე და პრობლემურ საკითხებზე.სტიქიისა და სოფლის მხარდაჭერის ფარგლებში განსახორციელებელ პროექტებზე.