წალენჯიხის მუნიციპალიტეტში ახალგაზრდების ხელშეწყობის ფარგლებში, სტუდენტთა საზაფხულო დასაქმების პროგრამის განხორციელება მეორე წელია გრძელდება.

დღეიდან 60 სტუდენტი სამუშაოს სხვადასხვა ა(ა)იპ-სა და მერიის სტრუქტურებში დაიწყებს მუშაობას.

ახალგაზრდებს შეხვდნენ და წარმატებები უსურვეს წალენჯიხის მუნიციპალიტეტის ხელმძღვანელმა პირებმა. აღინიშნა, რომ მნიშვნელოვანია ამ პროგრამის განხორციელება,იმდენად,რამდენადაც ახალგაზრდებს ექნებათ შესაძლებლობა,თავიანთიპროფესიის ფაგლებში გაიარონ სტაჟირება და ჩამოყალიბდნენ როგორც მომავალი პროფესიონალები.

პროგრამაში მონაწილეთა ანაზღაურება 45 დღის განმავლობაში 750 ლარის ოდენობით განისაზღვრება.

წალენჯიხაში, “დემოკრატიის ფესტივალი” DemFest-მიმდინარეობს,რომელიც ინოვაციური ფესტივალია და მისი მთავარი იდეა დემოკრატიისა და მისი სულისკვეთების აღნიშვნაა.
ფესტივალი ხელს უწყობს საზოგადოებრივ ჯგუფებს შორის დიალოგს და სამოქალაქო და პოლიტიკური ჩართულობის გაძლიერებას.

ღონისძიება ოფიციალურად წალენჯიხის მუნიციპალიტეტის მერმა გიორგი ხარჩილავამ გახსნა.
ფესტივალზე წარმოდგენილია ადგილობრივი მცირე და საშუალო მეწარმეების და ხელოვანების ნამუშევრები.

სხვადასხვა ოპოზიციური პარტიები ერთ სივრცეში არიან შეკრებილი. ოპოზიციონერები მოსახლეობას ხვდებიან და არჩევნების მნიშვნელობაზე ესაუბრებიან.
საღამოს კი ჯგუფი “გამოუვალი მდგომარეობა” დაასრულებს.

“აღმოსავლეთ ევროპის ცენტრი მრავალპარტიული დემოკრატიისთვის (EECMD)“ „დანიის პარტიებისა და დემოკრატიის ინსტიტუტის (DIPD)” მხარდაჭერით 27 ივლისს წალენჯიხა ინოვაციურ ფესტივალს უმასპინძლებს.

DemFest ინოვაციური ფესტივალია, რომლის მთავარი იდეა დემოკრატიისა და მისი სულისკვეთების აღნიშვნაა.
ფესტივალი ხელს უწყობს საზოგადოებრივ ჯგუფებს შორის დიალოგს და სამოქალაქო და პოლიტიკური ჩართულობის გაძლიერებას.
ფესტივალი 27 ივლისს,11:00 სთ. არტმეურნეობის ეზოში გაიმართება.

ღონისძიებას ოფიციალურად წალენჯიხის მუნიციპალიტეტის მერი გიორგი ხარჩილავა და მერის მოადგილე თამარ ბელქანია გახსნის.
ფესტივალზე წარმოდგენილი იქნება ადგილობრივი მცირე და საშუალო მეწარმეების და ხელოვანების ნამუშევრები, Რაც ხელს შეუწყობს მათი პროდუქტის პოპულარიზაციასა და საზოგადოებისთვის გაცნობას.

იქნება ცოცხალი მუსიკა და სხვადასხვა გასართობი აქტივობები.
Demfest ჩატარდება საჯარო სივრცეში და ხელმისაწვდომი იქნება ნებისმიერი დაინტერესებული პირისთვის.
მსგავსი ფესტივალები ტარდება დანიაში, შვედეთში, ფინეთში, ისლანდიაში, ლიტვაში, ნორვეგიაში, ესტონეთში, ლატვიაში.
აღნიშნული ფესტივალი 3, 10, 17 აგვისტოს კი საქართველოს ოთხ რეგიონში(სამეგრელო, კახეთი, იმერეთი, აჭარა) ჩატარდება.

წალენჯიხის მუნიციპალიტეტის მერი გიორგი ხარჩილავა მოსახლეობასთან შეხვედრებს განაგრძობს.

ამჯერად მუნიციპალიტეტის მერი ქალაქ წალენჯიხის ზღვაიას დასახლებაში მცხოვრებ მოსახლეობას შეხვდა და მათ პრობლემებს ადგილზე გაეცნო.
გიორგი ხარჩილავამ მოსახლეობის მიერ დასმულ შეკითხვებს უპასუხა და მათ მნიშვნელოვან პროექტებზე ესაუბრა.

გიორგი ხარჩილავამ მუნიციპალიტეტის მასშტაბით მიმდინარე სხვადასხვა ინფრასტრუქტურული პროექტები განიხილა და ამავდროულად ზღვაიას დასახლებაში მიმდინარე წყალგაყვანილობის საკითხებზე გაამახვილა ყურადღება.

ზღვაიას დასახლებაში ამ ეტაპზე ჭაბურღილი მოეწყო და დაქსელვის სამუშაოები მიმდინარეობს.
აღნიშნული პროექტის დასრულების შემდეგ , მოსახლეობის წლობით არსებული პრობლემა აღმოიფხვრება.
გიორგი ხარჩილავამ მოსახლეობასთან ევროპის სამშვიდობო ფონდების მიერ დაფინანსებულ პროექტებზე ისაუბრა, მათ შორის წყალმომარაგების მხრივ გამოყოფილ თანხებზე და სხვა მნიშვნელოვან სიკეთეებზე.

შეხვედრა დიალოგის რეჟიმში წარიმართა და
მერმა ქვეყანაში მიმდინარე პოლიტიკურ პროცესებზეც გაამახვილა ყურადღება.

წალენჯიხის მუნიციპალიტეტის მერი გიორგი ხარჩილავა ლიის ადმინისტრაციული ერთეულის მახარიის უბნის მოსახლეობას შეხვდა და მათ პრობლემებს ადგილზე გაეცნო.
შეხვედრაზე მოსახლეობამ ერთ-ერთ მთავარ პრობლემურ საკითხად სასმელი წყლით უზრუნველყოფის საკითხები და სოფლის ინტერნეტით უზრუნველყოფაზე შუამდგომლობა დაასახელა.

გიორგი ხარჩილავა მოსახლეობას პრობლემების გადაჭრის გზებზე ესაუბრა და აღნიშნა, რომ ის მზადაა აღნიშნული საკითხები შესაბამის სამსახურებთან ერთად განიხილოს და პრობლემა მოსახლეობის სასიკეთოდ უზრუნველყოს.

გიორგი ხარჩილავამ ამავდროულად მოსახლეობის მიერ დასმულ შეკითხვებს უპასუხა და მოსახლეობას მიმდინარე და გარდამავალი პროექტების შესახებ ინფორმაცია გააცნო.
წალენჯიხის მუნიციპალოტეტის მერმა ასევე ქვეყანაში მიმდინარე პოლიტიკურ პროცესებზე ყურადღება გაამახვილა და სამომავლოდ განსახორციელებელ პროექტებზე ისაუბრა.

დღეს 17 ივლისს წალენჯიხის მუნიციპალიტეტის მერის, გიორგი ხარჩილავას მიერ შექმნილი კომისიების, ფერისცვალების ტაძრის 1000 წლის იუბილესთან და ქალაქ წალენჯიხაში მონუმენტის საუკეთესო ესკიზების წარდგენასთან დაკავშირებით გაერთიანებული სამუშაო სხდომა გაიმართა.
სხდომას საერო და სასულიერო პირები,საზოგადოება წალენჯიხელის წევრები,საკრებულოსა და მერიის წარმომადგენლები ესწრებოდნენ. შეხვედრას წალენჯიხის მუნიციპალიტეტის მერის მოადგილე თამარ ბელქანია უძღვებოდა.
კომისიამ პირველ რიგში იმსჯელა და შეიმუშავა წინადადებები წალენჯიხის მაცხოვრის ფერისცვალების ტაძრის 1000 წლის იუბილის აღნიშვნასთან დაკავშირებით.ასევე გაიმართა დისკუსია და განხილვა მაცხოვრის ფერიცვალების ტაძრის ისტორიასთან დაკავშირებული წიგნის გამოცემაზე.
კომისია აღნიშნულ საკითხებზე კიდევ ერთხელ იმსჯელებს და მოაწყობს სამუშაო შეხვედრას ტაძრის დღესასწაულის აღნიშვნასთან მიმართებით,რომელიც 19 აგვისტოს,მაცხოვრის ფერისცვალების დღესასწაულზე აღინიშნება.
დღევანდელი შეხვედრის თემა იყო ასევე, გამოცხადებული კონკურსი საუკეთესო მონუმენტის განთავსებაზე,რომელიც გოგი კალანდიას სახელობის ცენტრალურ მოედანზე დაიდგმება.
პრეზენტაციის სახით წარმოდგენილიქნა 4 ავტორის მიერ შექმნილი ესკიზები.
კომისიის გადაწყვეტილებით გაიმარჯვა ანი ბიბილაშვილის პროექტმა სახელწოდებით-“ადამიანის თავისუფლებისკენ სწრაფვა”.
მეორე ადგილზე გავიდა მარიამ მეგინეიშვილი,ესკიზი სახელწოდებით'”სიმტკიცე,სტაბილურობა და გამძლეობა”;
მესამე ადგილი ნიკა ხვედელიძეს ერგო,ესკიზი-“თავისუფლება და მარადისობა”.