სოფლის მხარდაჭერის პროგრამის ფარგლებში ადმინისტრაციულ ერთეულებში სხვადასხვა სახის სამუშაოები მიმდინარეობს.
აღნიშნული პროგრამით,სოფელ ეწერში შიდა საუბნო გზების მოხრეშვა-მოშანდაკების სამუშაოები ლექარდეს, ლეფიფიესა და ლეჭანტურიეს უბნებში განხორციელდა.
მედანის ადმინისტრაციულ ერთეულში , კერძოდ, ლარას უბანში მოსაცდელის მშენებლობა მიმდინარეობს.
სოფლის მხარდაჭერის პროგრამა ითვალისწინებს:
👇
სასმელი წყლის სისტემების, სანიაღვრე არხების, ნაპირსამაგრი სამუშაოების, შიდა გზების, ცხაურების, გარე განათებების, წისქვილების რეაბილიტაციას, სასაფლაოებისა და მოსაცდელების მშენებლობას და სხვა სახის სამუშაოებს.
პრიორიტეტები მოსახლეობის უმრავლესობის გადაწყვეტილებით ხორციელდება.

სტიქიის სალიკვიდაციო პროგრამის ფარგლებში წალენჯიხის მუნიციპალიტეტის, ჩქვალერის ადმინისტრაციულ ერთეულში დამეწყრილ გზის მონაკვეთზე აღდგენითი სამუშაოები მიმდინარეობს.
აღნიშნულ მონაკვეთზე სპეციფიკური სამუშაოები, (ხიმინჯოვანი კედლების მოწყობა) განხორციელდა.
გზაზე სპეცტექნიკით გადაადგილება შეუძლებელი იყო,რის გამოც, ტექნიკის გადაადგილების მიზნით მდინარეზე გადასასვლელიც მოეწყო.
აღსანიშნავია,რომ ეს გზა ჩქვალერიდან-ქალაქ ჯვარსა და საჩინოს ადმინისტრაციულ ერთეულს აკავშირებს, რომელიც წლების მანძილზე იმეწყრებოდა და დროდადრო ტრანსპორტის გადაადგილებას საფრთხე ექმნებოდა.

მუჟავას ადმინისტრაციული ერთეულის, ჩვინარეს ხეობაში, წალენჯიხის მუნიციპალიტეტის მერიის ფინანსური მხარდაჭერით, არქეოლოგიური სამუშაოები მიმდინარეობს,რომელსაც შპს “მთის კულტურული მემკვიდრეობის კვლევის ცენტრი” თამარ გიორგაძის ხელმძღვსნელობით აწარმოებს.
ამ ეტაპზე მიკვლეულია შუა საუკუნეების ნაეკლესიარი. გათხრები გრძელდება.

აღნიშნულთნ დაკავშირებით, გასულ წელს ჩვინარეს ხეობაში არქეოლოგიის ინსტიტუტის დოქტორანტებმა ძველი სამარხი გაასუფთავეს,სადაც ტაძრის კედლები გამოჩნდა და დაიგეგმა ექსპედიცია.

დღეს ,19 აგვისტოს,წალენჯიხაში მაცხოვრის ფერისცვალების ტაძრის ათასწლოვანი იუბილე აღინიშნება.
დღესასწაულთან დაკავშირებით, მისმა მაღალყოვლადუსამღვდელოესობამ ზუგდიდისა და ცაიშის მიტროპოლიტმა გერასიმემ, ეპარქიის სამღვდელოებასთან ერთად, წალენჯიხის მაცხოვრის ფერისცვალების ტაძარში საღმრთო ლიტურგია აღავლინა .
წირვის დასრულების შემდეგ ეპარქიის მმართველმა მღვდელმთავარმა ქადაგებით მიმართა მრევლს დღესასწაული მიულოცა.
ღონისძიების ფარგლებში,
წალენჯიხის მაცხოვრის ფერისცვალების ტაძრის შესახებ ილუსტრირებული წიგნ-ალბომის პრეზენტაცია გაიმართა. რომელიც წალენჯიხის მუნიციპალიტეტის მერის მოადგილე თამარ ბელქანიამ წარადგინა და მუნიციპალიტეტის სახელით, საჩუქრად მეუფე გერასიმეს გადასცა. საზოგადოებას დღევანდელი დღე წალენჯიხის მუნიციპალიტეტის მერმა გიორგი ხარჩილავამ,მერის მოადგილე თამარ ბელქანიამ და მეუფე გერასიმემ მიულოცეს და ამ დღის მნიშვნელობაზე ესაუბრნენ.
ღონისძიებების ფარგლებაში წალენჯიხის, ნიკოლოზ შენგელაიას სახელობის კინოთეატრის დარბაზში კონფერენცია გაიმართა,რომელიც წალენჯიხის მუნიციპალიტეტის მერის მოადგილემ თამარ ბელქანიამ და მეუფე გერასიმემ გახსნეს.
კონფერენციაზე საზოგადოების წინაშე წარსდგნენ, ავთო თორდია, მერაბ ბუჩუკური,ზაალ ქორთუა,
პროფესორი სერგო ვარდოსანიძე, ისტორიის დოქტორი ლევან ჯიქია,
საქართველოს უნივერსიტეტის პროფესორი ნანა ბურჭულაძე.
საქართველოს უნივერსიტეტის პროფესორი მანანა სანაძე,საქართველოს უნივერსიტეტის პროფესორი ნინო ჩიხლაძე.
დღის ბოლოს ღონისძიებების ფარგლებში წალენჯიხის გოგი კალანდიას სახელობის მთავარ მოედანზე ასევე სახალხო ზეიმი გაიმართა, სადაც მოეწყო მეწარმე-ფერმერთა ნაწარმის გამოფენა გაყიდვა. ადმინისტრაციული ერთეულების წარმომადგენლებმა კი თავიანთ კუთხე სხვადასხვა სახის სანოვაგით წარმოაჩინეს.
ღონისძიებები საღამოს ადგილობრივი მუსიკოს-შემსრულებლებისა და ბენდი “შარა”-ს მონაწილეობით დასრულდება.

19 აგვისტო, მაცხოვრის ფერისცვალების ტაძრის ათასწლოვანი იუბილე.
დღესასწაულთან დაკავშირებით გაეცანით ღონისძიებების განრიგს:
👇
9:00 სთ. წირვა
📍
მაცხოვრის ფერისცვალების ტაძარი.
12:13 სთ. წიგნის პრეზენტაცია.
📍
მაცხოვრის ფერისცვალების ტაძრის ეზო.
🔷🔷🔷🔷🔷
კონფერენცია
📍ჩატარების ადგილი :
👇
წალენჯიხის ნიკოლოზ შენგელაიას სახელობის კინოთეატრი.
14:14 სთ. წალენჯიხის მაცხოვრის ფერისცვალების საკათედრო ტაძრის შესახებ ილუსტრირებული წიგნი-ალბომის პრეზენტაცია.
14:20 სთ.წალენჯიხა და დადიანები -მომხსენებელი ავთო თორდია.

14:40 სთ. წალენჯიხის კედლის მოხატულობების როლი შუა საუკუნეების საქართველოს კედლის მხატვრობის მოხატულობებში-მომხსენებელი მერაბ ბუჩუკური.
15:20 სთ. წალენჯიხა ევროპულ წყაროებში,მომხსენებელი-ზაალ ქორთუა.
15:35 სთ. კათოლიკოს-პატრიარქი ამბროსი ხელაია, მომხსენებელი:პროფესორი სერგო ვარდოსანიძე.

15:50 სთ. “1924 წლის ანტისაბჭოთა ეროვნული აჯანყება წალენჯიხის რაიონში”, მომხსენებელი: ისტორიის დოქტორი ლევან ჯიქია.
16:10 სთ. წალენჯიხის მაცხოვრის ტაძრის მე-XIV საუკუნის სანაწილე ხატი საქართველოს ეროვნულ მუზეუმში. მომხსენებელი საქართველოს უნივერსიტეტის პროფესორი ნანა ბურჭულაძე.

16:50 სთ. ვახტანგ გორგასალი, მისი ვაჟი დარჩილი და არგვეთელი მთავრები- დავითი და კონსტანტინე. მომხსენელი: საქართველოს უნივერსიტეტის პროფესორი მანანა სანაძე.
16:30 სთ. წალენჯიხის მაცხოვრის ეკლესია და მისი XVI-XVII საუკუნეების მოხატულობათა მხატვრულ-ისტორიული მნიშვნელობა. მომხსენებელი:საქართველოს უნივერსიტეტის პროფესორი ნინო ჩიხლაძე.
ღონისძიებების ფარგლებში წალენჯიხის გოგი კალანდიას სახელობის მთავარ მოედანზე დღის 12:00 საათიდან სახალხო ზეიმი გიმართება.

მოეწყობა მეწარმე-ფერმერთა ნაწარმის გამოფენა გაყიდვა. ადმინისტრაციული ერთეულები წარმოაჩენენ თავიანთ კუთხეს სხვადასხვა სახის სანოვაგით.
ღონისძიებები დასრულდება კონცერტით, ბენდი”შარა”-სა ადგილობრივი მუსიკოს-შემსრულებლების მონაწილეობით.

წალენჯიხის მუნიციპალიტეტის მერმა გიორგი ხარჩილავამ მერის წარმომადგენლებთან მორიგი სამუშაო შეხვედრა გამართა.

შეხვედრას ასევე მერიის ადმინისტრაციული სამსახურის ხელმძღვანელი ალბერტ ჭანია და ქალაქ ჯვარისა და ქალაქ წალენჯიხის დასუფთავებისა და კეთილმოწყობის სამსახურის წარმომადგენლები ესწრებოდნენ.
შეხვედრის თემა სტიქიის მიერ მიყენებული ზარალის აღმოფხვრა გახლდათ.

აღსანიშნავია, რომ უხვად მოსულმა ნალექმა ყველა ადმინისტრაციულ ერთეულში პრობლემები შექმნა.
დაზიანებულია შიდა საუბნო გზები, სანიაღვრე არხები, ხიდ-ბოგირები .

გიორგი ხარჩილავამ დეტალური იფორმაცია მიიღო სტიქიის შედეგად სოფლებში არსებულ მდგომარეობაზე და საჭიროებებზე.
მუნიციპალიტეტის მერის დავალებით, ოპერატიულად მოხდა შესაბამისი ტექნიკის მობილიზება და ამ ეტაპზე საუბნო გზებზე აღდგენითი სამუშაოები მიმდინარეობს.

წალენჯიხის მაცხოვრის ფერისცვალების ტაძრის 1000 წლოვან იუბილესთან დაკავშირებით, დღეს,წალენჯიხის მუნიციპალიტეტის მერიაში მორიგი სამუშაო შეხვედრა გაიმართა.
სხდომას საზოგადოება წალენჯიხელის წევრები, საკრებულოსა და მერიის წარმომადგენლები ესწრებოდნენ.
წალენჯიხის მაცხოვრის ფერისცვალების ტაძრის 1000 წლოვან იუბილის აღნიშვნასთან დაკავშირებით, კომისიის წევრებმა იმსჯელეს და ღონისძიებების განრიგთან დაკავშირებით გადაწყვეტილებები მიიღეს.
ტაძრის დღესასწაული, ათასწლოვანი იუბილე 19 აგვისტოს, მაცხოვრის ფერისცვალების დღეს გაიმართება.
დღესასწაულთან დაკავშირებით 19 აგვისტოს ღონისძიებების განრიგს ხვალიდან შემოგთავაზებთ.

🇬🇪სტუდენტური დღეები-2024 გრძელდება .
სტუდენტური დღეების ფარგლებში დღეს ვიქტორინა გაიმართა,რომელიც მომავლის ბიჭის,
ნიკო კვარაცხელიას ხსოვნას მიეძღვნა. დღეს ნიკო 25 წლის გახდებოდა.

ვიქტორინაში სტუდენტურ დღეებში მონაწილე ოთხივე გუნდმა მიიღო მონაწილეობა . გამარჯვებული გუნდი ქულათა შეჯამებით გამოვლინდა.
გამარჯვება წილად მწვანე გუნდს”ფესვებს”ხვდა,რომელსაც სპეციალური პრიზი წალენჯიხის მუნიციპალიტეტის მერმა გიორგი ხარჩილავამ გადასცა.
აღსანიშნავია, რომ გამარჯვებული გუნდისთვის სპეციალური პრიზი ნიკოს ფონდმა დააწესა.