სამუშაო საათები: ორშ – პარ: 09:00 – 18:00
ცხელი ხაზი 599 64 70 50
ა(ა)იპ წალენჯიხის სათნოების სახლის ინიციატივითა და წალენჯიხის მუნიციპალიტეტის მერიის აქტიური მხარდაჭერით, ქალაქ წალენჯიხასა და ქალაქ ჯვარში უმწეოთა სასადილოს 224 ბენეფიციარს სააღდგომო ნობათი დაურიგდა.
გიორგი ხარჩილავას დღეს, 17 აპრილს 55 წელი შეუსრულდებოდა.
ის გახლდათ ერთადერთი ოპოზიციონერი ლიდერი, რომელმაც 2021 წლის არჩევნებში გამარჯვება მოიპოვა.
დღეს მას კიდევ ერთხელ პატივი მიაგეს, საზოგადოების წარმომადგენლებმა,თანამებრძოლებმა, მისი იდეის მხარდამჭერებმა, პოლიტიკოსებმა, ჩამოსულმა სტუმრებმა, გიორგი ხარჩილავას ხსოვნას პატივი მიაგო უკრაინის სამხედრო ატაშემ, გენერალ მაიორმა სერგეი კრავჩუკმა.
ხელმძღვანელი პირების ორგანიზებით ქალაქ წალენჯიხის კინოთეატრის დარბაზში გიორგი ხარჩილავას ხსოვნისადმი მიძღვნილი საიუბილეო საღამო გაიმართა,სადაც შეჯამდა კოალიციური თვითმმართველობის სიკეთეები.
ღონისძიებაზე სიტყვით გამომსვლელებმა ისაუბრეს მის მიერ განვლილ გზაზე, განხორციელებულ არაერთ მნიშვნელოვან პროექტებზე.
ღონისძიების მსვლელობისას დანიელ ფიფიას წიგნის პრეზენტაცია გაიმართა, რომლის გამოცემის იდეაც გიორგი ხარჩილავას ეკუთვნოდა.
ნაჩვენები იქნა დოკუმენტური ფილმი გიორგი ხარჩილავას და კოალიციური თვითმმართველობის მუშაობაზე.
ღონისძიებაში მონაწილეობა მიიღეს ანსამბლმა “ბედინერა”-მ და სახელოვნებო-საგანმანათლებლო ცენტრის მოსწავლეებმა კომპოზიცია წარმოადგინეს.
ღონისძიების დასასრულს, გიორგი ხარჩილავას დედამ ქალბატონმა ვარო კვარაცხელიამ დამსწრე საზოგადოებას და მუნიციპალიტეტის ხელმძღვანელ პირებს მადლობა გადაუხადა გიას დაფასებისთვის და დამსწრეთ სიმბოლურად ოჯახის სახელით, საჩუქრად გრანელისეული ნახატების კრებული გადასცა.
რუსეთ-უკრაინის ომში დაღუპული ქართველი მებრძოლის, ჯვარელი ალიკა ცაავას გარდაცვალებიდან 3 წელი გავიდა.
ის 2022 წლის 16 აპრილს ,ლუგანსკის ოლქში ,ქალაქ რუბეჟნოესთან დაიღუპა.
ალიკა ცაავა ასევე , 2008 წლის რუსეთ-საქართველოს ომში კომანდოს ბატალიონის წევრი გახლდათ. მისი ოჯახი აფხაზეთიდან დევნილია ქ. ჯვარში ცხოვრობს.
ალიკა ცაავას ხსოვნას დღეს წალენჯიხის მუნიციპალიტეტის ხელმძღვანელმა პირებმა,მეგობრებმა და ოჯახის წევრებმა პატივი მიაგეს.
1989 წლის 9 აპრილიდან 36 წელი გავიდა.
9 აპრილს, წალენჯიხის მუნიციპალიტეტის ხელმძღვანელმა პირებმა , მერიისა და საკრებულოს წარმომადგენლებმა, მერის რწმუნებულებმა 9 აპრილს დაღუპული გმირების ხსოვნას პატივი 9 აპრილის სკვერში მიაგეს.
ქართული საგალობლები შეასრულეს ანსამბლებმა “ბედინერამ” და “მამულმა”. მხატვრული კომპოზიცია წარმოადგინეს მოსწავლეებმა.
9 აპრილს დაღუპულთა ხსოვნასთან დაკავშირებით, სოფელ ნაგურუს წმ. გიორგის სახელობის ტაძრის წინამძღვარმა დეკანოზმა ილია სარიამ პანაშვიდი გადაიხადა.
1989 წლის 9 აპრილი, ჯერ კიდევ საბჭოთა საქართველოს დედაქალაქში დამოუკიდებლობის მოთხოვნით რუსთაველის გამზირზე ათასობით ადამიანი შეიკრიბა.
მშვიდობიანი აქცია, საბჭოთა კავშირის სადამსჯელო ნაწილებმა დაარბიეს. თავისუფლების მოთხოვნით შეკრებილებს, დილის 4 საათზე, კრემლის მითითებით საბჭოთა არმიის მძიმე ტექნიკა, შემდეგ კი შინაგანი ჯარის სპეცრაზმელები ტანკებითა და ორლესული ნიჩბებით გაუსწორდნენ.
საბჭოთა ჯარისკაცებმა მშვიდობიან მომიტინგეებს გზა მძიმე ტექნიკით, ტანკებით ჩაუხერგეს, შემდეგ კი დემონსტრანტებს ნიჩბებით და მხუთავი აირით გაუსწორდენენ.
კრემლის მითითებით მიტინგის დარბევა მოხდა იმავე ღამეს ტელევიზიასთან, სადაც ეროვნული მოძრაობის ლიდერთა ერთ ნაწილთან ერთად მშვიდობიანი მოქალაქეები იყვნენ შეკრებილები.
9 აპრილის აქციის დარბევის შედეგად 21 ადამიანი დაიღუპა. აქედან 17 ქალი, ხოლო 4 მამაკაცი იყო. გარდაცვლილებს შორის იყო არასრულწლოვანებიც.
9 აპრილის დარბევის შედეგად, 4 ათასზე მეტი დემონსტრანტი სხვადასხვა სახის ტრავმით საავადმყოფოში მოათავსეს. დაუდგენელი ქიმიური ნივთიერებით 2000-ამდე მოქალაქე მოიწამლა.
1989 წლის 9 აპრილიდან ზუსტად მეორე წლისთავზე, 1991 წელს საქართველოს უზენაესმა საბჭომ ზვიად გამსახურდიას მეთაურობით საქართველოს დამოუკიდებლობის აქტი მიიღო.
9 აპრილი საქართველოს უახლეს ისტორიაში ტრაგედიის და იმავდროულად საქართველოს დამოუკიდებლობის აღდგენის დღედ ჩაეწერა.
ისტორიაში ეს დღე შევა, როგორც საქართველოს ბრძოლა ოკუპანტი რუსეთის წინააღმდეგ.
31 მარტი საქართველოში დამოუკიდებლობის აღდგენის რეფერენდუმისა და საქართველოს პირველი პრეზიდენტის, ეროვნული გმირის, ზვიად გამსახურდიას დაბადების დღეა.
ამ დღესთან დაკავშირებით, ქალაქ წალენჯიხაში ზვიად გამსახურდიას ბიუსტი და
ზვიადის გორა მოქალაქეებმა ყვავილებით შეამკეს.
ა(ა)იპ კულტურის ცენტრის ორგანიზებით, წალენჯიხის მთვარი ბიბლიოთეკის დარბაზში დღევანდელი დღისადმი მიძღვნილი შემაჯამებელი შეხვედრა გაიმართა.სადაც მოსწავლეებმა ამ დღისადმი მიძღვნილი ლექსები წაიკითხეს.
დამსწრე საზოგადოებას სიტყვით წალენჯიხის მერის მოადგილე თამარ ბელქანიამ და მთავარი ბიბლიოთეკის დირექტორმა ნუნუ შანავამ მიმართეს, რომლებმაც ეროვნული გმირის ცხოვრებასა და მოღვაწეობაზე ისაუბრეს.
შეხვედრას ზვიად გამსახურდიას მხარდამჭერები და საზოგადოების წარმომადგენლები ესწრებოდნენ.
გაიმართა დისკუსია, სადაც პირველი პრეზიდენტის მოღვაწეობაზე, საქართველოს ეროვნულ გმირებზე, საქართველოს ეროვნულ-განმათავისუფლებელი მოძრაობის როლზე ისაუბრეს.
შეხვედრაზე ეროვნულ-განმათავისუფლებელი მოძრაობის წევრმა ელეონორა მებონიამ გააჟღერა ინიციატივა, რომ შანავების ოჯახში, სადაც ზვიად გამსახურდია იმყოფებოდა განთავსდეს მემორიალური დაფა, სადაც მითითებული იქნება თარიღი რომელ წლებში იმყოფებოდა პირველი პრეზიდენტი წალენჯიხის მუნიციპალიტეტში.
შეხვედრაზე ხაზგასმით ისაუბრეს დღევანდელი დღის მნიშვნელობასა და რეფერენდუმის როლზე, როგორც ქართული სახელმწიფოს ისტორიულ მონაპოვარზე, საქართველო უნდა იყოს დამოუკიდებელი, სუვერენული და ევროპული ორიენტირების ქვეყანა.
სტიქიის სალიკვიდაციო პროგრამის ფარგლებში წალენჯიხის მუნიციპალიტეტის, ჩქვალერის ადმინისტრაციულ ერთეულში დამეწყრილი საავტომობილო გზის მონაკვეთზე ბეტონის კონსტრუქციის მოწყობის
სამუშაოები აქტიურად მიმდინარეობს.
აღნიშნულ მონაკვეთზე სპეციფიკური სამუშაოები, (ხიმინჯოვანი კედლების მოწყობა) განხორციელდა.
გზაზე სპეცტექნიკით გადაადგილება შეუძლებელი იყო,რის გამოც, ტექნიკის გადაადგილების მიზნით მდინარეზე გადასასვლელიც მოეწყო.
სამუშაოები 200 გრძივ მეტრზე ხორციელდება. ბეტონის კონსტრუქცია კი დაიცავს გზას მეწყერისაგან.
აღსანიშნავია,რომ ეს გზა ჩქვალერიდან-ქალაქ ჯვარსა და საჩინოს ადმინისტრაციულ ერთეულს აკავშირებს, რომელიც წლების მანძილზე იმეწყრებოდა და დროდადრო ტრანსპორტის გადაადგილებას საფრთხე ექმნებოდა.
წალენჯიხის მუნიციპალიტეტის მერის მ/შ ივანე ბურდული აღნიშნულ სამუშაოებს ადგილზე გაეცნო და მშენებლებს გაესაუბრა.
ქალაქ წალენჯიხაში, სასარიოს უბანში თანამედროვე სტანდარტების შესაბამისი, მძლავრი ტუმბოს მონტაჟი მიმდინარეობს.
სასარიოს უბანში ამ სისტემით 50-მდე ოჯახი სასმელი წყლით მარაგდება.
ბოლო ერთი თვის განმავლობაში მუნიციპალიტეტის მასშტაბით 4 ახალი წყალსატუმბი შეიცვალა.
მუნიციპალიტეტის ერთ-ერთ მთავარ პრიორიტეტს მოსახლეობის სასმელი წყლით უზრუნველყოფის საკითხები წარმოადგენს და ბოლო სამი წლის განმავლობაში 6 ათასი ოჯახი სასმელი წყლით იქნა უზრუნველყოფილი.
წყალმომარაგება მუნიციპალიტეტის ერთ-ერთი მთავარი პრიორიტეტია.
ინწირას ხეობაში დიდთოვლობის შედეგად სასმელი წყლის მილები დაზიანდა, რის შედეგადაც ადმინისტრაციულ ერთეულებში წყალმომარაგება შეზღუდულია.
აღნიშნულიდან გამომდინარე,უახლოეს პერიოდში მილების სრული რეაბილიტაცია დაიწყება და მოსახლეობას წყალმომარაგება სრული დატვირთვით მიეწოდება.
