🇬🇪ტობავარჩხილი, რომელიც წალენჯიხის გამორჩეული სავიზიტო ბარათია, ჩხოროწყუს მუნიციპალიტეტის ადმინისტრაციულ საზღვრებშია მოქცეული, რაც MAPS.GOV.GE-ზეც ჩანს, – ამის შესახებ წალენჯიხის მუნიციპალიტეტის მერის მოადგილე თამარ ბელქანიამ საზოგადოება, წალენჯიხელის “ წარმომადგენლებსა და შესაბამის სამსახურებთან ერთად გამართულ საინფორმაციო შეხვედრაზე განაცხადა.
მისივე თქმით, მსგავსი ცვლილებები მხოლოდ მთავრობის გადაწყვეტილებისა და მუნიციპალიტეტის საკრებულოებს შორის შეთანხმებით ხდება, თუმცა მთავრობასა და წალენჯიხის საკრებულოს შორის მსგავსი შეთანხმება არ არსებობს.
„ვიტოვებ იმედს, რომ ეს ტექნიკური ხარვეზია,“ – განაცხადა ბელქანიამ.
მისივე ცნობით, სახელმწიფო რეესტრსა და სამეგრელოს სამხარეო ადმინისტრაციას უკვე გაეგზავნა წერილი, სადაც ნათლად წერია, რომ მსგავსი გადაცდომები, სამწუხაროდ, პირველი შემთხვევა არ არის.
შეგახსენებთ: მხოლოდ ტობავარჩხილი კი არა, ომუნეს კოშკიც წალენჯიხის მუნიციპალიტეტში მდებარეობს.
საერთოდ, წალენჯიხის მუნიციპალიტეტი მდიდარია ბუნების ძეგლებით, მდინარეებით, წყალსაცავებით, ტბებით და სხვა მრავალი ტურისტული სივრცით.
➡საზოგადოება წალენჯიხელის წევრებმა და სამსახურების წარმომადგენლებმა ერთხმად აღნიშნეს, რომ ტობავარჩხილი (ვერცხლის ტბა), იგივე დიდი ტობა მდებარეობს მხოლოდ წალენჯიხის მუნიციპალიტეტში.
➡შახი ლატარია, საზოგადოება წალენჯიხელის თავმჯდომარე: “…ეროვნული რეესტრის მხრიდან მსგავსი შეცდომები პირველი არ გახლავთ, რაც გონივრულ ეჭვებს ბადებს, რომ ეს ხდება მიზანმიმართლად. ყველაზე დიდი ტობა, არის წალენჯიხის. საჯარო რეესტრი კი ყოველთვის უშვებს შეცდომას წალენჯიხის საზიანოდ.
საჯარო რეესტრის ეროვნულმა სააგენტომ თუ ორ კვირაში არ შეცვალა დაშვებული შეცდომა, მაშინ იძულებული ვიქნებით წალენჯიხელებმა მივმართოთ კანონით გათვალისწინებულ ზომებს.
➡ გონერ სალია- (საზოგადოება წალენჯიხელი) გამოთხოვილ იქნეს დოკუმენტების ასლი ჩხოროწყუს მუნიციპალიტეტიდან ტობავარჩხილთან დაკავშირებით, სადაც ცალსახად იქნება დაწერილი, რომ ამ გადაცდომას ისინი ემიჯნებიან.
ზურაბ სამუშია, მერიის განათლების, კულტურისა და ძეგლთა დაცვის განყოფილების სპეციალისტი-:”,
… ოხოჯეს ტობა არის ჩხოროწყუს მუნიციპალიტეტის საზღვრებში. ლუგელას ხეობაში მიმდინარეობს ჰესების მშენებლობა და არსებობს გარკვეული გონივრული ეჭვი, იმისა, რომ გარკვეული ბიზნეს ინტერესია წალენჯიხის ტობავარჩხილის მოქცევა ჩხოროწყუს ტურისტულ ზონაში, რაც ყოვლად დაუშვებელია. იგივეს ვიტყოდი ომუნეს კოშკის ირგვლივ გაურკვევლობაზეც, უკვე სვანეთის მხრიდან,
წალენჯიხაში მდებარეობს ომუნეს კოშკი, ხოლო ეროვნული სააგენტოს მიერ დაშვებული შეცდომის გამო ბევრი გაურკვევლობა და კითხვები გაჩნდა, რომ ის სვანეთის ადმინისტრაციულ საზღვრებშია. საზოგადოება წალენჯიხელის წევრებმა მელორ ზარქუამ, ჯულიეტა როგავამ და ძეგლთა დაცვის სფეროს სპეციალისტმა ზურაბ სამუშიამ აღნიშნეს, რომ საჯარო რეესტრის ეროვნული სააგენტოს ადრეული კოდებით საზღვრები ყველა მიმართულებით, ეს იქნება სვანეთი თუ ჩხოროწყუ სამწუხაროდ შეცვლილია;
➡ტობავარჩხილი და ომუნეს კოშკი წალენჯიხის მუნიციპალიტეტის საკუთრებაა.
შეხვედრაზე იმსჯელეს, თუ სად გადის საზღვრები ბიზნეს-ინტერესებსა და მუნიციპალიტეტებს შორის დაითქვა ისიც რომ პრობლემაა, როდესაც აღარ არსებობს ე.წ ბუნების ძეგლების ჩამონათვალი.
აღნიშნული თემიდან გამომდინარე, წალენჯიხის მუნიციპალიტეტის მერიის მიერ გაგზავნილ იქნა წერილი რეესტრის ეროვნულ სააგენტოში და სამეგრელო-ზემო სვანეთის რწმუნებულის ადმინისტრაციაში , რათა მოხდეს დაჩქარებული წესით ცვლილებების შეტანა ტობავარჩხილის ტერიტორიის წალენჯიხის მუნიციპალიტეტის ადმინისტრაციულ საზღვრებში დაბრუნებასთან დაკავშირებით.
ბოლოს, აღინიშნა ისიც რომ მაგ; ევროკავშირის პროექტების განხილვისას კონკრეტული მუნიციპალიტეტები წარადგენენ საკუთარ ადმინისტრაციულ ერთეულში მდებარე ძეგლებს ეს იქნება კონსერვაცია რესტავრაცია თუ სხვა რამ, ამიტომ გადამწყვეტი მნიშვნელობა აქვს ადმინისტრაციული საზღვრების სამართლებრივ ფარგლებს; მით უფრო ადგილობრივი ბიუჯეტის ფორმირებისას, გადამწყვეტი მნიშვნელობა აქვს ამ სამართლებრივ ბერკეტს.
შეხვედრისას გადაწყდა, რომ მსგავსი შეხვედრა შედგება ორი კვირის შემდეგ, რომ დაიგეგმოს სამომავლო სტრატეგია.
