სპორტული ტრენაჟორები ღია ცის ქვეშ-წალენჯიხის მერია პროექტების განხორციელებას განაგრძობს

წალენჯიხის მუნიციპალიტეტის, ჯგალის ადმინისტრაციულ ერთეულში ,ღია ცის ქვეშ მოსწავლე–ახალგაზრდობის სკვერში, სპორტული ტრენაჟორები მოეწყო.

ტრენაჟორებისთვის ადგილობრივი ბიუჯეტიდან თანხა 10 000 ლარმდე გამოიყო. როგორც წალენჯიხის მუნიციპალიტეტის მერის მოვალეობის შემსრულებელმა ივანე ბურდულმა აღნიშნა, პროექტი ჯანსაღი ცხოვრების წესის დამკვიდრებას უწყობს ხელს და ის ყველა უბანს მოიცავს.

“ბევრი მოედანი და სავარჯიშო ადგილი უნდა გაიხსნას, რომ ადამიანები დაიტვირთონ სპორტით და მეტი ივარჯიშონ. ეს პროექტი გაგრძელდება და თითქმის ყველა უბანში მოეწყობა”,–განაცხადა ბურდულმა

ტრენაჟორებზე ასაკი შეუზღუდავია და ყველა თაობაზეა გათვლილი.