სამუშაო საათები: ორშ – პარ: 09:00 – 18:00

ცხელი ხაზი 599 64 70 50

ახალგაზრდული ცენტრი

წალენჯიხის ცენტრში იგეგმება მულტიფუნქციური ახალგაზრდული ცენტრის მშენებლობა

წალენჯიხის მუნიციპალიტეტის მერიის ინიციატივით, ქალაქის ცენტრში იგეგმება მულტიფუნქციური ახალგაზრდული ცენტრის მშენებლობა.

ცენტრის მშენებლობის მიზანია ახალგაზრდების საჭიროებების გათვალისწინება და მათთვის მიმზიდველი გარემოს შექმნა მუნიციპალიტეტში, ეს იქნება გართობა, დასვენება, საგანმანათლებლო და კულტურული ღონისძიებები თუ სხვა.

მიგვაჩნია, რომ მსგავსი პროექტები მნიშვნელოვნად შეუწყობს ხელს ახალგაზრდების საცხოვრებელ ადგილზე დამაგრებას და ხელს შეუშლის მათ გადინებას მუნიციპალიტეტიდან.

ზემოაღნიშნულდან გამომდინარე გთხოვთ დეტალურად მოგვწეროთ, თუ რა ტიპის სივრცეებით გსურთ დაიტვირთოს ახალგაზრდული ცენტრის შენობა და რა გსურთ მასში განთავსდეს.

რა ტიპის სივრცეებით გსურთ დაიტვირთოს ახალგაზრდული ცენტრის შენობა და რა გსურთ მასში განთავსდეს?

ხმის მიცემა შესაძლებელია ერთდროულად 5 პასუხზე!
ხმის მიცემაში მონაწილეობისათვის შეგიძლიათ დაამტოთ თქვენი პასუხი!

ვრცლად
დაუნის სინდრომის დღე111

დაუნის სინდრომის საერთაშორისო დღე

წალენჯიხის მუნიციპალიტეტი შეუერთდა დაუნის სინდრომის საერთაშორისო დღის აღნიშვნას.

ამასთან დაკავშირებით, თვითმმართველობის სხდომათა დარბაზში გენდერული თანასწორობის საბჭოს სხდომა გაიმართა,რომელსაც მუნიციპალიტეტის საკრებულოს თავმჯდომარე კორნელი სალია უძღვებოდა.

შეხვედრაზე წალენჯიხის მუნიციპალიტეტის მერის მოადგილემ თამარ ბელქანიამ ისაუბრა დღევანდელი დღის მნიშვნელობაზე, ცნობიერების ამაღლებაზე. მისი თქმით: ” 21-ე საუკუნისთვის დამახასიათებელია საერთაშორისო აღიარება ყველა იმ ადამიანის მიმართ,რომელიც ჩვენი საზოგადოების წევრია. ლმობიერება, პატივისცემა და რაც მთავარია ერთობა გვმართებს ყველას ერთად.
სწორედ ამიტომ ტრადიციულად ჩვენც ვუერთდებით დაუნის სინდრომის საერთაშორისო დღეს.
2013 წელს დაუნის სინდრომის საერთაშორისო ორგანიზაციის ინიციატივით, „უთვალავი წინდის“ (LOTS OF SOCKS) ტრადიცია დამკვიდრდა. ის მასობრივი სოლიდარობის ორიგინალურად გამოხატვას ისახავს მიზნად. ამიტომ „ჭრელი წინდების“ აქციით ვუერთდებით ამ დღეს, ჩვენ არ ვითვლით ქრომოსომებს “-განაცხადა თამარ ბელქანიამ.

ასევე სხდომაზე განიხილეს წალენჯიხის მუნიციპალიტეტის 2024 წლის ბიუჯეტით გათვალისწინებული ჯანმრთელობის დაცვისა და სოციალური უზრუნველყოფის პროგრამების შესახებ, ბუკლეტების დამზადების საკითხები. რომელიც მიზნად ისახავს მოსახლეობის ინფორმირებას სოციალურ საკითხებთან დაკავშირებით.

ვრცლად
შეხვედრა მოზარდებთან111

შეხვედრა მოზარდებთან

წალენჯიხის მუნიციპალიტეტის მერიის ახალგაზრდულ საქმეთა, სპორტისა და ტურიზმის განყოფილების ინიციატივით დღეს, 19 მარტს ჟორა მზარელუას სახელობის ჭადრაკის სახლში მოზარდებთან შეხვედრა გაიმართა.
შეხვედრის მიზანი გახლდათ მუნიციპალიტეტში ახალგაზრდული პოლიტიკის განხორციელებაში უშუალოდ მომავალი თაობების აქტიური ჩართულობა.
შეხვედრას მერის მოადგილე თამარ ბელქანია, ტურიზმის მიმართულებით- სოფო ბერაძე, ზაზა გოგოხია, ოლღა შამუგია, კულტურის მიმართულებით- თამარ ლუკავა, ხოლო სპორტის მიმართულებით ა(ა)იპ სასპორტო ცენტრის უფროსი გელა თოლორაია ესწრებოდნენ.

დისკუსიაში ოცდაათამდე სხვადასხვა ასაკის მოზარდი მონაწილეობდა.
შეხვედრა ინტერაქციული გამოდგა; მოზარდებმა გულწრფელად ისაუბრეს საკუთარ ინტერესებსა და მისწრაფებებზე და აღნიშნეს, რომ მუნიციპალიტეტში დაგეგმილი სიახლეები, ხშირ შემთხვევაში მათთვის ინფორმაციულად ხელმისაწვდომი არ არის.

გამოთქვეს სურვილი მუნიციპალიტეტში ჩატარდეს კოტე ჩიქობავას სახელობის საჭადრაკო ტურნირი, საფეხბურთო ჩეპიონატი, ახალგაზრდების სურვილია ასევე მაგიდის ჩოგბურთის პოპულარიზაცია და განვითარება, პერიოდულად კინოჩვენებების მოწყობა, სქურში ახალგაზრდული ბანაკის გამართვა;

შეხვედრაზე აღინიშნა, რომ მოზარდები დიდი სიამოვნებით დაათვალიერებდნენ იმ ტურისტულ ლოკაციებს, რომლებიც მუნიციპალიტეტს გააჩნია; ეს არის ინწრას ხეობის დათვალიერება, ლაშქრობა ტობა ვარჩხილზე, ნავებით გასეირნება ენგურ კაშხალზე.

მოზარდებთან დიალოგში გამოიკვეთა საერთო გეგმები და სურვილი ერთად განვავითაროთ სპორტული, კულტურული და ტურიზმთან დაკავშირებული აქტივობები.
თამარ ბელქანიამ სრული მხარდაჭერა აღუთქვა ახალგაზრდებს ყველა მნიშვნელოვანი წამოწყებების განხორციელებაში.

“ჩვენი მიზანია მოვუსმინოთ მოზარდებს, ზუსტად ვიცოდეთ მათი ინტერესები; გავაცნოთ მუნიციპალიტეტის ტურისტული რესურსი, რომ მათ უფრო მეტი ემოციური ბმა ჰქონდეთ საკუთარ კუთხესთან და გაუადვილდეთ საკუთარი თავის შემეცნება“ განაცხადა თამარ ბელქანიამ

ვრცლად
ნია გოგოხია1

გაიცანით Spelling Bee რეგიონალურ კონკურსში გამარჯვებული ნია გოგოხია წალენჯიხიდან

გაიცანით Spelling Bee რეგიონალურ კონკურსში გამარჯვებული ნია გოგოხია წალენჯიხიდან!

დღეს, ზუგდიდის ამერიკულ კუთხეში Spelling Bee-ს რეგიონალური კონკურსი ჩატარდა,სადაც ნახევარფინალისტი გამოვლინდა, რომელიც 12 აპრილს,ფინალურ ეტაპზე ამერიკის საელჩოში გაემგზავრება და კონკურენციას გაუწევს მონაწილეებს საქართველოს სხვადასხვა რეგიონებიდან.

კონკურსის რეგიონალური გამარჯვებული ნია გოგოხია წალენჯიხის ამერიკული თაროს მოხალისე და სსიპ ქალაქ წალენჯიხის N1 საჯარო სკოლის მე-9 კლასის მოსწავლეა.
ვულოცავთ ნიას გამარჯვებას და ფინალურ კონკურსში წარმატებებს ვუსურვებთ.

ვრცლად
გამოფენა111

ქართველი მწერლისა და საზოგადო მოღვაწის, ლეო ქიაჩელის დაბადებიდან 140 წელი გავიდა

ქართველი მწერლისა და საზოგადო მოღვაწის, ლეო ქიაჩელის დაბადებიდან 140 წელი გავიდა.

საიუბილეო თარიღთან დაკავშირებით, წალენჯიხის მუნიციპალიტეტის მერის მოადგილე თამარ ბელქანია, წალენჯიხის ა(ა)იპ კულტურის ცენტრის მუშაკები, საზოგადოების წარმომადგენლები ქ
თბილისში,ლიტერატურის მუზეუმში იმყოფებოდნენ სადაც, მწერლის იუბილესადმი მიძღვნილი გამოფენა გაიხსნა.

წალენჯიხის დელეგაციის წევრები შეხვდნენ მწერალთა კავშირის წარმომადგენლებს, ლიტერატორებს.სადაც ისაუბრეს მწერლის შემოქმედებაზე, მის ღვაწლზე.

გამოფენაზე წარმოდგენილია მწერლის ბიოგრაფიისა და შემოქმედების ამსახველი ფოტოები, უნიკალური გამოცემები, ნაწარმოებების ილუსტრაციები.

ქართველი მწერალი და საზოგადო მოღვაწე ლეო ქიაჩელი ( ლეონ მიხეილის ძე შენგელაია) 1884 წელს სოფელ ობუჯში დაიბადა.

აქვე გადაწყდა, რომ უახლოეს მომავალში ქ.წალენჯიხაში იდენტური გამოფენა გაიმართება.

ვრცლად
123

აზიური ფაროსანას საწინააღმდეგო ღონისძიებები წელსაც აქტიურად გაგრძელდება

აზიური ფაროსანას საწინააღმდეგო ღონისძიებები წელსაც აქტიურად გაგრძელდება!

აზიური ფაროსანას წინააღმდეგ დაგეგმილი ღონისძიებები და მიმდინარე წლის სამოქმედო გეგმა, წალენჯიხის მუნიციპალიტეტის ხელმძღვანელ პირებს და მერის წარმომადგენლებს გააცნეს სურსათის ეროვნული სააგენტოს აზიურ ფაროსანასთან ბრძოლის მართვის სამეგრელო-ზემო სვანეთის ჯგუფის უფროსმა შალვა მეტრეველმა და წალენჯიხის საინფორმაციო-საკონსულტაციო სამსახურის უფროსმა ნუგზარ კალანდიამ.

შეხვედრაზე კიდევ ერთხელ აღინიშნა, რამდენად მნიშვნელოვანია ფაროსანასთან ბრძოლის ღონისძიებების წარმატებით განხორციელებისთვის ადგილობრივი ხელისუფლებისა და მოსახლეობის აქტიური ჩართულობა.
სურსათის ეროვნული სააგენტო მავნებლის საწინააღმდეგო ღონისძიებებს მიმდინარე წელსაც გეგმის მიხედვით, რამდენიმე ეტაპად განახორციელებს. წინა წლების მსგავსად, პირველ ეტაპზე განხორციელდება მავნებლის მონიტორინგი;

გავრცელების არეალისა და რიცხოვნობის განსაზღვრის შემდეგ, ტემპერატურის მატებასთან ერთად, შედეგების გათვალისწინებით, განთავსდება სპეციალური სადგურები(ფერომონები) და საჭიროებისამებრ ჩატარდება წამლობა.

შეხვედრა დიალოგის რეჟიმში წარიმართა და სააგენტოს წარმომადგენლებმა დასმულ შეკითხვებს უპასუხეს.
#ერთადვებრძოლოთაზიურფაროსანას

ვრცლად
sxdoma

გიორგი ხარჩილავამ მერის წარმომადგენლებთან მორიგი სამუშაო შეხვედრა გამართა

წალენჯიხის მუნიციპალიტეტის მერმა გიორგი ხარჩილავამ მერის წარმომადგენლებთან მორიგი სამუშაო შეხვედრა გამართა.

გიორგი ხარჩილავას თქმით,წინა თვის სტიქიამ მნიშვნელოვანი ზიანი მიაყენა მუნიციპალიტეტს და ამ ეტაპზე ყველაფერი კეთდება სტიქიის მიერ მიყენებული ზარალის სალიკვიდაციოდ. ეს გახლდათ დაზიანებული ხიდ-ბოგირები, სანიაღვრე არხები, გზები ,საცხოვრებელი სახლები და სხვა.

“ჩვენ ყველაფერი უნდა გავაკეთოთ მოსახლეობის ინტერესების გათვალისწინებით. მიმდინარეობს სამუშაოები სოფლის შიდა საუბნო გზების მოსაწესრიგებლად. მოსახლეობის საჭიროებიდან გამომდინარე, ვმუშაობთ სასმელი წყლის უზრუნველყოფოს საკითხებზე და ყველა მნიშვნელოვან პრობლემას ვაგვარებთ ეტაპობრივად”-განაცხადა გიორგი ხარჩილავამ

მერმა ასევე აღნიშნა, რომ მნიშვნელოვანია მეტი კომუნიკაცია მოსახლეობასთან, რათა ყველა პრობლემური საკითხი დროულად იქნას გადაჭრილი მოსახლეობის საკეთილდღეოდ.

ვრცლად
სპორტდარბაზი ფოცხოში

გიორგი ხარჩილავა ფოცხოში არსებულ კარატეს სკოლაში იმყოფებოდა

წალენჯიხის მუნიციპალიტეტის მერი გიორგი ხარჩილავა, ფოცხოეწერის დასახლებაში, კარატეს სკოლაში მივიდა და იქ არსებულ მდგომარეობას ადგილზე გაეცნო.
“აღსანიშნავია, რომ დარბაზი წლების მანძილზე სარეაბილიტაციო სამუშაოებს საჭიროებდა. დღეის მდგომარეობით, კი ყველა პირობებია შექმნილი სავარჯიშოდ.

მეც სპორტსმენი გახლავართ და ყოველთვის ვცდილობ მთელი ჩემი ცხოვრება დავუკავშირო ახალგაზრდების ჯანსაღად აღზრდას
წალენჯიხელი სპორტსმენები ერთ-ერთი წამყვანები არიან არა მხოლოდ საქართველოში, არამედ ამიერკავკასიაში და შემიძლია გითხრათ, მსოფლიო კლასის ვარსკვლავები არიან.

ამ დარბაზში არ შემოისვლებოდა 2 წლის წინ და დღეს, თქვენ ხედავთ, როგორი კარგი პირობებია შექმნილი ვარჯიშისთვის. ამ დღეებში მათ გადაეცათ ტატამი, შეჯიბრებებზე მათ სწორედ ტატამზე უწევთ გამოსვლა და მათთვის უცხო არ უნდა იყოს, მიჩვეულნი უნდა იყვნენ.

ვამაყობ, რომ სწორედ წალენჯიხაშია ასეთი კარგი სკოლა, გამოცდილი, პროფესიონალი პედაგოგებით. ვუყურე სპარინგს, ძალიან კარგი თაობაა და ველოდები ბევრ წარმატებებს ქართულ სპორტში და კონკრეტულად კი ფოცხოეწერის კარატეს სკოლის ახალგაზრდებისგან.

წალენჯიხის სასპორტო ცენტრი ნაყოფიერ მუშაობას აგრძელებს სპორტის ყველა მიმართულებით და მე კიდევ ერთხელ სიხარულით და სიამაყით გავიხსენებ რეორგანიზაციის შედეგს – 240 სპორტსმენი გვყავდა რეორგანიზაციამდე და დღეს უკვე 600 სპორტსმენი გვყავს”, – განაცხადა მერმა ფოცხოეწერის კარატეს სკოლაში სტუმრობისას

ვრცლად
ფოცხოში სასმელი წყალი უზრუნველყოფილია

ფოცხოეწერის დასახლებაში მცხოვრები მოსახლეობა კი სასმელი წყლით სრულად იქნება უზრუნველყოფილი

წალენჯიხის მუნიციპალიტეტის მერი, გიორგი ხარჩილავა ფოცხო-ეწერის მოსახლეობას შეხვდა და მათთან ერთად გაეცნო სამუშაოებს, რომლებიც ცოტა ხნის წინ დასრულდა.

“წალენჯიხის მუნიციპალიტეტის მერიას ხშირი კომუნიკაცია აქვს ფოცხოეწერში მცხოვრებ მოსახლეობასთან, ისევე როგორც მუნიციპალიტეტის ფარგლებში ნებისმიერ დასახლებასთან. ფოცხოეწერის მოსახლეობის მოთხოვნით, პირველ ეტაპზე რეაბილიტირდა საავტომობილო გზა, მოწესრიგდა ჩამდინარე წყლები-ანუ კანალიზაცია.

შემდგომ მათი წუხილი გახლდათ სასმელი წყლით უზრუნველყოფის საკითხები და ამ სისტემაში შექმნილი უმძიმესი მდგომარეობა. ფოცხოეწერის დასახლება სასმელ წყალს 200 მ სიღრმიდან ღებულობს და მას ემსახურებოდა 70-იან წლებში დამონტაჟებული ძრავები, რომლებიც სრულიად ამორტიზირებული გახლდათ. ხშირად გამოდიოდა მწყობრიდან და შეკეთების მომენტში მოსახლეობა უწყლოდ რჩებოდა.

წალენჯიხის მუნიციპალიტეტის მერიამ სწრაფად მიიღო ამჯერადაც გადაწყვეტილება, ჩატარდა დაპროექტების სამუშაოები და შეძენილ იქნა 2 ახალი ძრავი, რომელიც დამონტაჟდა, გამოიცადა და დღეს მოსახლეობა სრულად იქნა უზრუნველყოფილი”- აღნიშნა გიორგი ხარჩილავამ.

პროექტის ღირებულება 55 ათას ლარს შეადგენს. ფოცხოეწერის დასახლებაში მცხოვრები მოსახლეობა კი სასმელი წყლით სრულად იქნება უზრუნველყოფილი.

ვრცლად
საჩინო-ჯვარი

შიდა საუბნო გზებზე მოხრეშვა-მოშანდაკების სამუშაოები მიმდინარეობს

ნოჟალა (საჩინო-ჯვარის) შიდა საუბნო გზაზე პრობლემური მონაკვეთების მოხრეშვა – მოშანდაკების სამუშაოები მიმდინარეობს .

აღიშნული სახის სამუშაოები სოფელ ეწერის შიდა საუბნო გზებზეც ( ლეგაბედე,ლეციმინტიე, ლეძაძამე და მოსიძეების უბანი ) განხორციელდა.

სამუშაოებს ა(ა)იპ წალენჯიხის დასუფთავებისა და კეთილმოწყობის სამსახურის ტექნიკური ჯგუფი ასრულებს.

ვრცლად
Skip to content