მიმდინარე წლის 22 ოქტომბერს ქ. თბილისის სახელმწიფო კონსერვატორიის დიდ დარბაზში საქართველოს ბავშვთა და ახალგაზრდული საგუნდო კოლექტივების მე-7 ეროვნული კონკურსის გამარჯვებულთა დაჯილდოების ცერემონიალი გაიმართა.

კონკურსში მონაწილეობა მიიღო სახელოვნებო-საგანმანათლებლო ცენტრთან არსებულმა ანსამბლმა “ლაკადამ”, რომელმაც მესამე ადგილი და ბრინჯაოს მედალი აიღო (ხელმძღვანელი მერაბ ციმინტია) და მურთაზ ციმინტიას სახელობის სალოტბარო სკოლის მოსწავლეებმა, რომლებიც პირველი ადგილით და ოქროს მედლით დაჯილდოვდნენ (ხელმძღვანელი დავით გირგვლიანი). სახელოვნებო ცენტრის კურსდამთავრებულს გიორგი ციმინტიას საუკეთესო ინსტრუმენტალისტის წოდება მიენიჭა.

“მანანა დოიჯაშვილთან ძალიან ვმეგობრობდი და მასთან, ჩემთვის უძვირფასესი ურთიერთობა, ბევრი წლის განმავლობაში მქონდა. საქმეშიც განსაკუთრებული გვერდში დგომა იცოდა, მისი ინიციატივითა და ხელმძღვანელობით არაერთი პროექტი გაგვიკეთებია.

ბოლო თემა, რომელზეც აქტიურად ვმუშაობდით და ერთმანეთს შევხვდით, წალენჯიხის მუსიკალური ცენტრი იყო” -აცხადებს “ლელოს”
ლიდერი მამუკა ხაზარაძე

შეგახსენებთ, რომ ქართველი პიანისტი, საქართველოს სახალხო არტისტი, თბილისის ვანო სარაჯიშვილის სახელობის სახელმწიფო კონსერვატორიის პრორექტორი, პროფესორი, საქართველოს მუსიკალური კონკურსების ფონდის დირექტორი მანანა დოიჯაშვილი 76 წლის ასაკში გარდაიცვალა.