ფაშიზმზე გამარჯვების დღესთან დაკავშირებით წალენჯიხის მუნიციპალიტეტის ხელმძღვანელმა პირებმა, ქალაქ ჯვარში, მელიტონ ქანთარიას საფლავი და ლიას ადმინისტრაციულ ერთეულში არსებული შინმოუსვლელთა მემორიალი გვირგვინებით შეამკეს და დაღუპულთა ხსოვნას პატივი მიაგეს.

აღსანიშნავია, რომ მუნიციპალიტეტში მცხოვრებ მეორე მსოფლიო ომის ერთადერთ ვეტერანს 95 წლის ვარვარა ბონდარენკო-ბელიაევას, მერია ერთჯერადად 200 ლარით დაეხმარა. მანამდე კი წალენჯიხის მერმა გიორგი ხარჩილავამ პირადად მოინახულა ქალბატონი ვარვარა. დიდხანს სიცოცხლე, ჯანმრთელობა და გმირობისთვის დიდი მადლობას გადაუხადა.

“ყოველ ისტორიულ მოვლენას თავის სიმბოლო აქვს. ამ მხრივ გამონაკლისი, არც მეორე მსოფლიო ომია, რომელსაც საბჭოთა კავშირში დიდ სამამულო ომს ეძახნდნენ. ვინმეს მოსწონს თუ არა, ფაქტია, რომ მეორე მსოფლიო ომის სიმბოლო ორი ახალგაზრდა, სერჟანტი – მელიტონ ქანთარია და მიხეილ ეგოროვი გახდა”,-განაცხადა წალენჯიხის მერის მოადგილემ, თამარ ბელქანიამ.

როგორც ბელქანია ამბობს, ჯვარში ბერლინის კედლის ნამსხვრევი ინახება, რაც იმ კედლის სიმბოლოა, რომელიც ერებს ჰყოფს.
„ბერლინის კედლის ეს ნამსხვრევი იმის სიმბოლო და მანიშნებელია, რომ ნებისმირი უსამართლო კედელი აუცილებლად დაინგრევა”, – აღნიშნავს ბელქანია.

დღევანდელ ღონისძიებას ახალი თაობის წარმომადგენელები ესწრებოდნენ. მათ ჰქონდათ, როგორც საქართველოს, ასევე, უკრაინის სახელმწიფო დროშაც. შეხევდარზე აღინიშნა, რომ უკრაინის გამარჯვება ძალიან მნიშვენელოვანია საქართველოს ტერიტორიული მთლიანობის აღდგენისთვის.
“ჩვენ დღეს პატივს მივაგებთ იმ გმირებს, წალენჯიხიდან და ჯვარიდან, ვინც თავი შესწირა ორი სახელმწიფოს დამოუკიდებლობისათვის ბრძოლას. ეს არის უკრაინის და საქართველოს სახელმწიფოები”.

რუსულ კანონს სამეგრელოშიც აპროტესტებენ.
“ჩვენ ვუერთდებით ამ პროტესტს, წალენჯიხა ეწინააღმდეგება რუსული კანონის მიღებას, რუსული კანონის მიღება არ უნდა დავუშვათ”, – ამბობს “თაიმერთან” საუბარში წალენჯიხის მერის მოადგილე, თამარ ბელქანია.

მისი თქმით, ახალგაზრდებს არ სურთ რუსეთში ცხოვრება.
“ახალ თაობას სურს განვითარება, არ უნდათ ემიგრაციაში წასვლა და რუსულ ველში დაბრუნება. მათ უნდათ თავისუფლება”, – აღნიშნავს ბელქანია.

პარლამენტის მიმდებარე ტერიტორიაზე 7 მარტს დილის 09:30 საათიდან შეიკრიბნენ მოქალაქეები, რომლებიც რუსული კანონის განხილვას აპროტესტებდნენ. აქტივისტები მას შემდეგ დაიშალნენ, რაც ცნობილი გახდა, რომ კანონს 9 მარტს განიხილავდნენ. თუმცა მამუკა მდინარაძის ინიციატივით, კანონი პლენარულ სხდომაზე ხუთშაბათის ნაცვლად გუშინვე განიხილეს.

განხილვის დაწყებისთანავე მოსახლეობა კვლავ პარლამენტთან შეიკრიბა. მას შემდეგ, რაც ოცნებამ, პირველი მოსმენით, რუსული კანონპროექტის მიღებას მხარი დაუჭირა ტერიტორიაზე ვითარება გამწვავდა.
პარლამენტის მიმდებარე ტერიტორიაზე, მათ შორის სახელმწიფო დაცვის სპეციალური სამსახურის ეზოში სპეცრაზმი იყო მობილიზებული. ასევე, მობილიზებული იყო წყლის ჭავლის მანქანა.

ქართულმა ოცნებამ კანონპროექტს მხარს დაუჭირა. მმართველ პარტიაში აცხადებენ, რომ მსგავსი კანონი აშშ-შიც მოქმედებს, ამავე არგუმენტს იყენებდა რუსეთიც. თუმცა ისინი მანიპულირებენ, როდესაც ამერიკული კანონის მოქმედების დეტალებზე არ საუბრობენ. ამერიკული კანონი სხვა სახელმწიფოების პოლიტიკური ლობიზმის გამოსავლენადაა მიმართული, განსხვავებით ქართული ოცნების რუსული კანონისგან.

წალენჯიხაში დიდთოვლობაა, რამაც მუნიციპალიტეტში სერიოზული პრობლემები შექმნა.

წალენჯიხის მერის მოადგილის, თამარ ბელქანიას თქმით, ამ დროისთვის თითქმის ყველა პრობლემა მოგვარებულია. გაიხსნა მესტიისკენ მიმავალი გზაც.
“ძალიან დიდი თოვლი მოვიდა. მესტიისკენ მიმავალი გზაც ჩაიკეტა. ამ დროისთვის ეს გზა გაწმენდილია და მოძრაობა თავისუფალია. გაწმენდილია შიდა გზებიც. ტრაქტორი მუშაობს”, – აცხადებს „თაიმერთან“ საუბარში თამარ ბელქანია.

ცნობისთვის, უამინდობის შედეგად, წალენჯიხას რამდენიმე საათით ელექტროენერგია არ მიეწოდებოდა.
როგორც ბელქანია განმარტავს, წაიქცა დენის ბოძები და ელექტროენერგიის მიწოდება შეწყდა, თუმცა, ამ დროისთვის აღნიშნული პრობლემა უკვე მოგვარებულია.
დიოდთოვლობის გამო რამდენიმე სკოლამ ფუნქციონირება შეწყვიტა. ბავშვები სკოლაში ვერ წავიდნენ.

რაც შეეხება, სააღმზრდელო დაწესებულებებს, მერის მოადგილის განმარტებით, თითოეული ბაღი მომარაგებულია შეშით.
“ამ დრისთვის ყველა პრობლემა მოგვარებულია. სინოპტიკოსების ინფორმაციით, საღამოს რვა გრადუსი ყინვაა მოსალოდნელი. ჩვენ ყველფრისთვის მზად ვართ. შექმნილია საგანგებო შტაბი, ქალაქის მერის მოადგილესთან ერთად. ჩვენ, ყველაფერს ვაკეთებთ, რომ მოსახლეობას პრობლემები თავიდან ავარიდოთ”, – აღნიშნა თამარ ბელქანიამ.