საგანგებო სიტუაციების კოორდინაციისა და გადაუდებელი დახმარების ცენტრის სამსახურებთან შეხვედრა

წალენჯიხის მუნიციპალიტეტის მერი გიორგი ხარჩილავა და მერის მოადგილე თამარ ბელქანია საგანგებო სიტუაციების კოორდინაციისა და გადაუდებელი დახმარების ცენტრის წალენჯიხისა და ჯვარის სამსახურების მენეჯერებს მაია ეფსიასა და ინგა თვალთვაძეს შეხვდნენ.
გიორგი ხარჩილავამ ყურადღება გაამახვილა იმ ფასდაუდებელ საქმიანობაზე, რასაც ამ დარგის სპეციალისტები მუნიციპალიტეტის მასშტაბით ასრულებენ.

ხელმძღვანელმა პირებმა მენეჯერებსა და საერთოდ საგანგებო სიტუაციების კოორდინაციისა და გადაუდებელი დახმარების ცენტრში მომუშავე პირებს სამუშაოს დაუღალავად და ეფექტურად შესრულებისთვის მადლობა გადაუხადეს და წინასწარ ქალთა დღე, 8 მარტი მიულოცეს.
აღსანიშნავია,რომ მერის ინიციატივით, ამ სისტემაში მომუშავე ქალბატონებს, 8 მარტთან დაკავშირებით სიმბოლურად ფულადი თანხები ჩაერიცხებათ.

საგანგებო სიტუაციების კოორდინაციისა და გადაუდებელი დახმარების ცენტრის სამსახურების მენეჯერებმა აღნიშნეს,რომ ადგილობრივი თვითმმართველობის ხელმძღვანელობის მხრიდან სფეროს გამოყოფა და მსგავსი სახის ყურადღება პირველი შემთხვევაა. მათ მადლობა გდაუხადეს გიორგი ხარჩილავას და თამარ ბელქანიას ღვაწლის დაფასებისა და ქალთა დღის მილოცვისთვის.
ფულადი საჩუქრები გადაეცემა სასწრაფო სამედიცინო ცენტრის მედ-პერსონალს, საპენსიო ასაკის მქონე მედდებს,რომლებიც ამჟამად არ მუშაობენ და 100 წელს გადაცილებულ ქალბატონებს,

100-100 ლარის ოდენობის თანხა საერთო ჯამში 100 წელს გადაცილებულ 5 ქალბატონს,
35 სასწრაფოსა და 112 საპენსიო ასაკის მედდას გადაეცემა