18 მაისს,საქართველოში ეროვნული სამოსის დღე აღინიშნება.
წალენჯიხის მუნიციპალიტეტი ამ დღეს ტრადიციულად კოსტუმირებული მსვლელობებითა და საკონცერტო ღონისძიებებით შეუერთდა.
წალენჯიხის მუნიციპალიტეტის მერი გუბა საჯაია,მერის მოადგილე გიორგი კვარაცხელიასთან და საკრებულოს წევრებთან ერთად კოსტუმირებულ მსვლელობას ქალაქ ჯვარში შეუერთდა და ეროვნული სამოსის დღისადმი მიძღვნილ ღონისძიებას დაესწრო.
ღონისძიებაში მონაწილეობა მიიღეს ქორეოგრაფიულმა ანსამბლებმა “სამამ” და “შარამ”, ასევე კვარტეტმა “აკორდი”.
ღონისძიებას ხელმძღვანელ პირებთან ერთად სხვადასხვა სამსახურების წარმომადგენლები და საზოგადოების წევრები ესწრებოდნენ.
საქართველოში ეროვნული სამოსის დღე 2016 წლიდან აღინიშნება და მისი მიზანი ქართული კულტურის პოპულარიზაციაა.
