საახალწლო ღონისძიებები ქალაქის ცენტრალურ ტერიტორიაზე

გურამ შეროზიასა და კიდს-სტუდიოს საბავშვო გასართობი პროგრამით დაიწყო
თოვლის ბაბუა და ზღაპრის გმირები კი პატარების განწყობაზე ზრუნავდნენ.
ღონისძიებები გრძელდება.

გურამ შეროზიასა და კიდს-სტუდიოს საბავშვო გასართობი პროგრამით დაიწყო

თოვლის ბაბუა და ზღაპრის გმირები კი პატარების განწყობაზე ზრუნავდნენ.

ღონისძიებები გრძელდება.

წალენჯიხის მუნიციპალიტეტის მერი გიორგი ხარჩილავა დღეს მოსახლეობის წინაშე ანგარიშით წარსდგა.
გიორგი ხარჩილავამ მოსახლეობას მიმდინარე და განხორციელებული პროექტების შესახებ ინფორმაცია მიაწოდა.
ისაუბრა ჯანდაცვისა და სოციალური მიმართულებით განხორციელებულ მუნიციპალურ პროგრამებზე.
ისაუბრა ახალგაზრდების,სპორტისა და კულტურის ხელშეწყობის მიზნით განხორციელებულ პროექტებზე.პირველკლასელთა კვებითი უზრუნველყოფის საკითხებზე.
კოალიციური მმართველობის დადებით მხარეებზე, მეგობართა კლუბის მიერ წალენჯიხის მუნიციპალიტეტისთვის შესრულებულ მნიშვნელოვან პროექტებზე.
ისაუბრა სამომავლოდ განსახორციელებელ პრიორიტეტებზე.

იქავა-მუხურის დამაკავშირებელი გზის 2,785 კმ-იან გზის მონაკვეთზე სარეაბილიტაციო სამუშაოები აქტიურად მიმდინარეობს.
სამუშაოებს ტენდერში გამარჯვებული კომპანია-შპს ნიუ პასაჟი ასრულებს.

პროექტის ფარგლებში მოეწყობა ასფალტის საფარი, ასევე კიუვეტები და ბეტონის წყალსაწრეტი არხები.
მიმდინარე სამუშაოები წალენჯიხის მუნიციპალიტეტის მერმა გიორგი ხარჩილავამ დაათვალიერა.

ევროპულმა საბჭომ მიიღო გადაწყვეტილება საქართველოს ევროკავშირის წევრობის კანდიდატის სტატუსი მიენიჭოს!
წალენჯიხის მუნიციპალიტეტი საქართველოს და ევროკავშირის დროშებით მოირთო.
#წინევროპისკენ

დღეს წალენჯიხის მუნიციპალიტეტის თვითმმართველობის სხდომათა დარბაზში სახელმწიფო შიდა კონტროლის დეპარტამენტის (ჰარმონიზაციის ცენტრი) უფროსის მოადგილემ, ირმა გელანტიამ და
საქართველოს ფინანსთა სამინისტროს, სახელმწიფო შიდა კონტროლის დეპარტამენტის წარმომადგენელმა ცოტნე ხვიჩიამ სამუშაო შეხვედრები გამართეს მუნიციპალიტეტის მერიისა და საკრებულოს სხვადასხვა სამსახურის წარმომადგენლებთან,არასამეწარმეო იურიდიული პირების ხელმძღვანელ პირებთან.შეხვედრას ასევე წალენჯიხის მუნიციპალიტეტის ხელმძღვანელი პირები ესწრებოდნენ.

შეხვედრა განპირობებულია ევროკავშირის წინაშე, ასოცირების ხელშეკრულების ფარგლებში ნაკისრი ვალდებულებების შესრულებით, ასევე, საქართველოს მთავრობის მიერ დამტკიცებული „სახელმწიფო შიდა ფინანსური კონტროლის სისტემის განვითარების სტრატეგიისა და სამოქმედო გეგმით“.

მთავარი თემა გახლდათ მმართველობის პრინციპებისა და ფინანსური მართვისა და კონტროლის სისტემის დანერგვის გზაზე, მუნიციპალიტეტის მერმა, გიორგი ხარჩილავამ გამოხატა მხარდაჭერა და სრული მზაობა პრაქტიკული ნაბიჯების გადასადგმელად.

განხილულ იქნა ისეთი საკითხები, როგორიცაა – უფლებამოსილებათა და პასუხისმგებლობების დელეგირება დაწესებულების დონეზე, ანგარიშგების სისტემების გაუმჯობესება, რისკის მართვის მიდგომები და რისკის ოფიცრის განსაზღვრა.

ასევე, განხორციელდა პრაქტიკული სამუშაო დარგობრივი მიმართულებების წარმომადგენლებთან რისკის რეესტრების მომზადების მიზნით.

მხარეები შეთანხმდნენ ფინანსური მართვისა და კონტროლის სისტემების დანერგვის სამოქმედო გეგმის შემუშავებაზე.

ობუჯის ადმინისტრაციული ერთეულის სოფელ ჯაღირის მოსახლეობა დღეს წალენჯიხის მუნიციპალიტეტის მერს გიორგი ხარჩილავას შეხვდა.

შეხვედრის თემა ჯაღირა-ობუჯის დამაკავშირებელი საავტომობილო გზისა და ხიდის რეაბილიტაცია გახლდათ.

აღსანიშნავია,რომ უგზოობის პრობლემა მოსახლეობას წლებია აწუხებს და საკითხი ამ დრომდე ვერ მოგვარდა.

მოსახლეობასთან შეხვედრისას გიორგი ხარჩილავამ აღნიშნა, რომ ამჟამად მიმდინარეობს დაპროექტების სამუშაოები,რის შემდეგაც გამოცხადდება ტენდერი ობუჯი-ჯაღირას დამაკავშირებელი დაზიანებული ხიდის სარეაბილიტაციო სამუშაოებზე.

რაც შეეხება საავტომობილო გზის რეაბილიტაციას,მერიამ ეს საკითხი უკვე გაითვალისწინა,პროექტი შეტანილია 2024 წლის,რეგიონული განვითარების ფონდით, განსახორციელებელ სამუშაოთა ნუსხაში.

შეხვედრას სოფლის მაჟორიტარი დეპუტატი, წალენჯიხის საკრებულოს წევრი ნაციონალური მოძრაობიდან,დავით მესხია ესწრებოდა.

შეხვედრა დიალოგის რეჟიმში წარიმართა. მერმა მოსახლეობის მიერ დასმულ შეკითხვებს უპასუხა და სამომავლო გეგმებზეც ისაუბრა.

გიორგი ხარჩილავას თქმით, მთავარ,პირველი რიგის პრიორიტეტს მოსახლეობის სასმელი წყლით უზრუნველყოფის საკითხები და საგზაო ინფრასტრუქტურის მოწყობა წარმოადგენს და ყველაფერი გაკეთდება მოსახლეობის აზრის გათვალისწინების საფუძველზე.

ფონდი “სოხუმი”ქალთა მიმართ ძალადობის წინააღმდეგ 16 დღიანი კამპანიის ფარგლებში, ქალებისათვის უფასო სამედიცინო კვლევა კონსულტაციებს აგრძელებს.

კამპანიის ფარგლებში, დღეს 4 დეკემბერს, წალენჯიხის მუნიციპალიტეტის მერიის მხარდაჭერით, სახელმწიფო პროგრამის ფარგლებში, კიბოს სკრინინგს შპს ქალთა ჯანმრთელობის ცენტრი “ჰერა” ახორციელებს
უფასო სკრინინგში შედის:

ძუძუს კიბოს სკრინინგი 40-დან 70 წლამდე ასაკის ჩათვლით, (რადიოლოგის ან მამოლოგის) გასინჯვა;
მამოგრაფიული გამოკვლევა.

მოქალაქეები დილიდან გადიან უფასო-სამედიცინო კონსულტაციებსა და სკრინინგ-გამოკვლევებს.
გამოკვლევების მიმდინარეობას ადგილზე წალენჯიხის მუნიციპალიტეტის მერის მოადგილე თამარ ბელქანია აკვირდებოდა და კლინიკის წარმომადგენლებს გასაუბრა.