26 მაისი საქართველოს დამოუკიდებლობის დღეა.
1918 წლის 26 მაისს საქართველოს ეროვნულმა საბჭომ ნოე ჟორდანიას ხელმძღვანელობით, დამოუკიდებლობის აქტი მიიღო.
26 მაისის აღსანიშნავად, სხვადასხვა სახის ღონისძიებები მოეწყო.

წალენჯიხის მუნიციპალიტეტში,
მთავარ ბიბლიოთეკაში გაიმართა სემინარი თემაზე-26 მაისი;

ნიკოლოზ შენგელაიას სახელობის კინოთეატრის დარბაზში კონცერტი გაიმართა სხვადასხვა სიმღერისა და ცეკვის ანსამბლების მონაწილეობით.
ღონისძიება წალენჯიხის მუნიციპალოტეტის მერის მოადგილე თამარ ბელქანიამ გახსნა და საზოგადოებას დღევანდელი დღე მიულოცა და 26 მაისის მნიშვნელობაზე ისაუბრა. მერის მოადგილის გამოსვლის მთავარი გზავნილი იყო, საქართველოს გზა ევროპისაკენ! მან ასევე პროექტ ,,ხალხურის” წარმატებულ მონაწილეებს ანსამბლ “ბედინერასა” და ანი ხარჩილავას საჩუქრად მერიის მიერ გამოცემული-მაცხოვრის ფერისცვალების ტაძრის 1000 წლის იუბილისადმი მიძღვნილი წიგნი საჩუქრად გადასცა და წარმატებები უსურვა.

გუგე ცანავას სახელობის პარკში კი ვიოლინოს ჰანგებზე ნახატების, სხვადასხვა სახის ხელოვნების ნიმუშებისა და ყვავილების გამოფენა მოეწყო.
#26მაისი
ეს დღე ჩვენია.

წალენჯიხის მუნიციპალიტეტის მერიისა და სსიპ ,,აწარმოე საქართველოში’’ სამეგრელო-ზემო სვანეთის საკონსულტაციო ცენტრის ორგანიზებით ,
მიმდინარე წლის 23 მაისს, 12:00 საათზე ,მერიის სააქტო დარბაზში, საინფორმაციო შეხვედრა სააგენტოს პროგრამების შესახებ გაიმართება.

შეხვედრაზე დასწრება შეუძლიათ, ადგილობრივი ბიზნეს-სექტორის წარმომადგენლებსა და მეწარმეობით დაინტერესებულ პირებს.

სააგენტოს მიზანია ქვეყნის ეკონომიკური ზრდის ხელშეწყობა, მიკრომეწარმეობის მხარდაჭერა, ახალი სამუშაო ადგილების შექმნა, კერძო სექტორის კონკურენტუნარიანობისა და სამეწარმეო პოტენციალის ზრდა.

აზიური ფაროსანას საწინააღმდეგო ღონისძიებები გრძელდება.

აზიური ფაროსანას წინააღმდეგ დაგეგმილი ღონისძიებები და მიმდინარე წლის სამოქმედო გეგმა, წალენჯიხის მუნიციპალიტეტის მერის წარმომადგენლებს სურსათის ეროვნული სააგენტოს აზიურ ფაროსანასთან ბრძოლის მართვის სამეგრელო-ზემო სვანეთის ჯგუფის უფროსმა შალვა მეტრეველმა გააცნო.

შეხვედრაზე აღინიშნა, რამდენად მნიშვნელოვანია ფაროსანასთან ბრძოლის ღონისძიებების წარმატებით განხორციელებისთვის ადგილობრივი ხელისუფლებისა და მოსახლეობის აქტიური ჩართულობა.
სურსათის ეროვნული სააგენტო მავნებლის საწინააღმდეგო ღონისძიებებს გეგმის მიხედვით, რამდენიმე ეტაპად განახორციელებს.

გავრცელების არეალისა და რიცხოვნობის განსაზღვრის შემდეგ, ტემპერატურის მატებასთან ერთად, შედეგების გათვალისწინებით, განთავსებულ სპეციალურ სადგურებზე(ფერომონები) დაყრდნობით, საჭიროებისამებრ წამლობა ჩატარდება.

შეხვედრა დიალოგის რეჟიმში წარიმართა და სააგენტოს წარმომადგენლებმა დასმულ შეკითხვებს უპასუხეს.
#ერთადვებრძოლოთაზიურფაროსან

დღეს, 13 მაისს ავღანეთში გმირულად დაღუპული კაპრალის, ვლადიმერ შანავას გარდაცვალებიდან 12 წელი გავიდა.

სამხედრო კაპრალის ხსოვნას დღეს პატივი მიაგეს წალენჯიხის მუნიციპალიტეტის ხელმძღვანელმა პირებმა , მერიის კულტურისა და სოციალური დაცვის სამსახურის წარმომადგენლებმა, თანამებრძოლებმა, მეგობრებმა.

ავღანეთში, ქართულ ბაზაზე 42-ე მსუბუქი ქვეითი ბატალიონის სამხედრო მოსამსახურეები – სერჟანტი ზვიად დავითაძე, კაპრალი ალექსანდრე კვიწინაძე და კაპრალი ვლადიმერ შანავა მეამბოხეების მიერ განხორციელებული თავდასხმის შედეგად 2013 წლის 13 მაისს დაიღუპნენ.

ევროპის დღე, წალენჯიხის მუნიციპალიტეტში იმ ადგილებზე პატივისმიგებით აღინიშნა სადაც მემორიალური დაფა გვამცნობს თუ ვინ შეეწირა ფაშიზმის წინააღმდეგ ბრძოლას;
ეს არის ქ.წალენჯიხა, ქ. ჯვარი, ხოკო, ობუჯისა და ლიის ადმინისტრაციულ ერთეულებში. მემორიალური სტენდები ყვავილებით იქნა შემკობილი.

მთავარი ღონისძიება ქალაქ ჯვარში მელიტონ ქანთარიას საფლავთან შედგა, სადაც ხაზგასმით ითქვა, რომ ევროკავშირის ფუნდამენტს, ევროპის ქვეყნებს შორის თანანშრომლობა წარმოადგენს, რომელსაც შეუძლია ომისა და კონფლიქტების დამარცხება, როგორც ევროპის კონტინენტზე ასევე მის გარეთ.

საქართველო არის ევროპის ნაწილი და იმ ღირებულებების მატარებელი, რომელიც 75 წლის წინ გახდა ევროპკავშირის ქვეყნების გამაერთიანებელი.