„სოფლის მხარდაჭერის პროგრამის” ფარგლებში წალენჯიხის მუნიციპალიტეტის მოსახლეობასთან შეხვედრები და კონსულტაციები დასრულდა.
მოსახლეობის მიერ პრიორიტეტების შერჩევის მიზნით გამართული საკონსულტაციო შეხვედრები და საერთო კრებები დღეს, 27 თებერვალს ოჭანეში, ქვედა ჯვარში, ნაკასა და ჯვარში გაიმართა.
შეხვედრებს წალენჯიხის მუნიციპალიტეტის მერი გუბა საჯაია, მერის პირველი მოადგილე ბესიკ ფარცვანია, წალენჯიხის მუნიციპალიტეტის საკრებულოს თავმჯდომარის მოადგილე დარეჯან დადიანი და შესაბამისი სამსახურების წარმომადგენლები ესწრებოდნენ.
ადგილობრივებმა ძირითად პრიორიტეტად შემდეგი პროექტები დაასახელეს:
ოჭანე-მინი-მოედნის მშენებლობა, ქვედა-ჯვარი-საბავშვო ბაღისთვის ფანჯრების შეცვლა, სანიაღვრე არხების მოწყობა, წისქვილის რეაბილიტაცია, ნაკა-საუბნო გზაზე ბეტონის საფარის მოწყობა, ჯვარი-პირველი საჯარო სკოლის ტერიტორიაზე სანიაღვრე არხისა და ცხაურების მოწყობა.
„სოფლის მხარდაჭერის პროგრამის” ფარგლებში მცირე ინფრასტრუქტურული პროექტები ფინანსდება. მოსახლეობის მიერ შერჩეული პროექტები დასამტკიცებლად მუნიციპალიტეტის საკრებულოს წარედგინება.
დასახლებების საერთო კრებები და მოსახლეობასთან კონსულტაციები ყველა ადმინისტრაციულ ერთულში ჩატარდა.
