წალენჯიხის მუნიციპალიტეტის მერი გუბა საჯაია ადმინისტრაციულ ერთეულებში მერის წარმომადგენლებს შეხვდა.
შეხვედრაზე აზიურ ფაროსანასთან ბრძოლის საკითხზე იმსჯელეს.
როგორც შეხვედრაზე აღინიშნა, სურსათის ეროვნულმა სააგენტომ მავნებლის საწინააღმდეგო ღონისძიებები უკვე დაიწყო.
ინტენსიური წამლობების დაწყებამდე სურსათის ეროვნული სააგენტოს თანამშრომლები განათავსებენ „მონიტორინგის ხაფანგებსა“ და „მოიზიდე და გაანადგურე სადგურებს“. მონიტორინგის შემდეგ კი, ყველა ადმინისტრაციულ ერთეულში წამლობები დაიწყება.
შეხვედრას მერის პირველი მოადგილე ბესიკ ფარცვანია, სურსათის ეროვნული სააგენტოს წარმომადგენელი შალვა მეტრეველი და სოფლის მეურნეობის საინფორმაციო-საკონსულტაციო სამსახურის წარმომადგენლები ესწრებოდნენ.
