ნაკიფუს ადმინისტრაციულ ერთეულში წმინდა ილია მართლის სახელობის ეკლესია აშენდება.
მშენებარე ტაძრის საძირკველი ზუგდიდისა და ცაიშის ეპარქიის მიტროპოლიტმა, მეუფე გერასიმემ აკურთხა.
საძირკვლის ჩაყრისა და ლოცვის ცერემონიას ადგილობრივი ხელისუფლების წარმომადგენლები , მუნიციპალიტეტის მერი გუბა საჯაია,მერის მოადგილეებთან, საკრებულოს წევრებთან და სოფლის მცხოვრებლებთან ერთად ესწრებოდა.
ახალი ტაძრის მშენებლობა ადგილობრივი მოსახლეობისთვის მნიშვნელოვანი სულიერი და კულტურული მოვლენაა.
ტაძრის ქტიტორი ნაკიფუში მცხოვრები ზაზა სალიაა,რომელთან ერთადაც სამლოცველოს მშენებლობის საკითხში ჩართულია სოფელ ნაგურუს წმინდა გიორგის სახელობის ტაძრის წინამძღვარი მამა ილია სარია.
