წალენჯიხის მუნიციპალიტეტის ყველა საბავშვო ბაღში ახალი, 2026-2027 სასწავლო-სააღმზრდელო წელი ოფიციალურად დაიწყო.
წელს სკოლამდელი აღზრდის დაწესებულებები 700-მდე აღსაზრდელს უმასპინძლებს.
სასწავლო პროცესის განახლება მუნიციპალიტეტის მერმა გუბა საჯაიამ, მერის მოადგილესთან გიორგი კვარაცხელიასთან, საკრებულოს თავმჯდომარის მოადგილესთან დარეჯან დადიანთან და ა(ა)იპ „სკოლამდელი,სააღმზრდელო-საგანმანათლებლო დაწესებულებათა მართვის ცენტრის“ ხელმძღვანელთან ნატო კვარაცხელიასთან ერთად მიულოცა.
ადგილობრივი ხელისუფლების წარმომადგენლები საბავშვო ბაღებში არსებულ გარემოსა და მზადყოფნას გაეცნენ.
აღსანიშნავია, რომ ბაღებში პატარების აღსაზრდელად ყველა საჭირო პირობაა შექმნილი, უზრუნველყოფილია სტანდარტების შესაბამისი, მაღალკალორიული და ბალანსირებული კვება.
ხელისუფლების წარმომადგენლებმა აღსაზრდელებს, მშობლებსა და პედაგოგებს ახალი სასწავლო წლის დაწყება მიულოცეს და წარმატებული, ნაყოფიერი წელი უსურვეს.
