წალენჯიხის მუნიციპალიტეტის მერის პირველმა მოადგილემ ბესიკ ფარცვანიამ, მერის მოადგილე გიორგი კვარაცხელიასთან, საკრებულოს წევრებთან და თვითმმართველობის სხვა წარმომადგენლებთან ერთად ავღანეთის ომში დაღუპული ქართველი ჯარისკაცის, ვლადიმერ შანავას ხსოვნას პატივი მიაგო და საფლავი თაიგულებით შეამკო.
ვლადიმერ შანავა საქართველოს შეიარაღებულ ძალებში 2007 წლიდან მსახურობდა, მიღებული აქვს მედალი სამშვიდობო ოპერაციებში მონაწილეობისთვის.
2013 წლის 13 მაისს ის ავღანეთში, ჰელმანდის პროვინციის 42-ე ბაზაზე განხორციელებული იერიშის დროს დაიღუპა.
