წალენჯიხის მუნიციპალიტეტის მერიის მიერ გამოცხადებულ სტუდენტური დასაქმების პროგრამა იწყება.
მუნიციპალიტეტის მერი გუბა საჯაია, საკრებულოს თავმჯდომარე ცოტნე შონიასთან და მერის მოადგილე გიორგი კვარაცხელიასთან ერთად სტუდენტური დასაქმების პროგრამის ფარგლებში ჩართულ სტუდენტების ნაწილს შეხვდა და პროგრამის დეტალები გააცნო.
წალენჯიხაში მცხოვრები სტუდენტები, 28 ივლისიდან სხვადასხვა ა(ა)იპ-სა და მერიის სტრუქტურებში დაიწყებენ მუშაობას. სტუდენტები, სასწავლო პროცესის დაწყებამდე 45 დღის განმავლობაში დასაქმდებიან და შესაბამის ანაზღაურებას მიიღებენ.
სტუდენტური დასაქმების პროგრამა ადგილობრივ ახალგაზრდებს აძლევს შესაძლებლობას, მიიღონ პრაქტიკული გამოცდილება საჯარო სექტორში და უშუალოდ გაეცნონ ადგილობრივი თვითმმართველობის მუშაობას.
,,ახალგაზრდების ჩართულობა მუნიციპალურ პროცესებში ჩემთვის პრიორიტეტულია. ეს პროგრამა არა მხოლოდ დასაქმების შესაძლებლობაა, არამედ პლატფორმაა, სადაც სტუდენტებს შეუძლიათ საკუთარი ინიციატივები რეალურ საქმედ აქციონ. ჩვენ მომავალშიც ვგეგმავთ სხვადასხვა საგანმანათლებლო და პროფესიული პროგრამების მხარდაჭერას, რათა ხელი შევუწყოთ ადგილობრივი, ნიჭიერი ახალგაზრდების რეალიზებასა და რეგიონში მათ დასაქმებას”-აღნიშნა გუბა საჯაიამ.
დასაქმების პროგრამაში პრიორიტეტი მიენიჭათ აკრედიტირებულ უმაღლეს სასწალებლებში ჩარიცხულ, მაღალი აკადემიური მოსწრების -სოციალურად დაუცველ, მრავალშვილიან, დედ-მამით ობოლ, ოკუპირებულ ტერიტორიებიდან დევნილ სტუდენტებს.
