წალენჯიხის მუნიციპალიტეტში, „სოფლის მხარდაჭერის პროგრამით“ დასაფინანსებელი პროექტების შერჩევის მიზნით დასახლებების საერთო კრებები და მოსახლეობასთან კონსულტაციები ჭალესა და მუჟავას ადმინისტრაციულ ერთეულებში გაიმართა.
შეხვედრებს წალენჯიხის მუნიციპალიტეტის მერის პირველი მოადგილე – ბესიკ ფარცვანია, საკრებულოს თავმჯდომარე ცოტნე შონია, საკრებულოს წევრები და შესაბამისი სამსახურების წარმომადგენლები ესწრებოდნენ.
2026 წელს, მუნიციპალიტეტში, „სოფლის მხარდაჭერის პროგრამის“ ფარგლებში, საქართველოს რეგიონებში განსახორციელებელი პროექტების ფონდიდან 644 000 ლარი დაიხარჯება.
მოსახლეობის მიერ შერჩეულ იქნა შემდეგი სახის პრიორიტეტები:
ფოცხო-ეწერის დასახლებაში – მინი-მოედნის რეაბილიტაცია და საბავშვო ბაღისთვის ტექნიკის შეძენა.
ჭალეში – გარე-განათებების მოწყობა, საფეხმავლო ხიდის განათება, სასმელი წყლის ავზისა და მავთულბადის შეძენა.
ეწერფერდი – სავარჯიშო სკვერის მოწყობა, საბავშვო ბაღისთვის ტექნიკის შეძენა (მაცივარი).
მუჟავაში – მოსაცდელის რეაბილიტაცია, გარე-განათებების მოწყობა, წისქვილის რეაბილიტაცია, შიდა-საუბნო გზების მოხრეშვა-მოშანდაკება.
ოლორი – საბავშვო ბაღის სახურავისა და ერთი ოთახის რეაბილიტაცია, წისქვილის რეაბილიტაცია, გარე-განათებების მოწყობა, სასმელი წყლის მილების შეძენა, სოფლის შემოსასვლელთან არსებული აბრის რეაბილიტაცია.
ნაშამგუ – სასმელი წყლის მაგისტრალის რეაბილიტაცია.
წალენჯიხის სოფლებში საკონსულტაციო შეხვედრები 27 თებერვალს დასრულდება. შერჩეული პროექტები კი დასამტკიცებლად საკრებულოს წარედგინება.
