წალენჯიხის მუნიციპალიტეტში „სოფლის მხარდაჭერის პროგრამით“ დასაფინანსებელი პროექტების შერჩევის მიზნით, დასახლების საერთო კრებები და მოსახლეობასთან კონსულტაციები დღეს, ფახულანის ადმინისტრაციულ ერთეულში გაიმართა.
შეხვედრებს წალენჯიხის მუნიციპალიტეტის მერი გუბა საჯაია, მერის პირველი მოადგილე – ბესიკ ფარცვანია, საკრებულოს წევრი დათა კუკავა და შესაბამისი სამსახურების წარმომადგენლები ესწრებოდნენ.
მოსახლეობამ ხმათა უმრავლესობით შემდეგი სახის პრიორიტეტები შეარჩია :
ჭველე – გარ -განათებების მოწყობა,
წისქვილის რეაბილიტაცია,
საბავშვო ბაღისთვის სამზარეულო ინვენტარის შეძენა,
ცხაურების მოწყობა.
ფახულანი – წისქვილის რეაბილიტაცია,
შიდა საუბნო გზის მოხრეშვა, მოსწავლე-ახალგაზრდებისთვის სარეპეტიციო დარბაზის რეაბილიტაცია, საბავშვო ბაღის ღობის რეაბილიტაცია, გარე-განათებების მოწყობა.
წყოუში – წისქვილის რეაბილიტაცია (სატორუოს უბანი), გარე-განათებების მოწყობა, საბავშვო ბაღის ეზოში სანიაღვრე არხის მოწყობა, წისქვილის რეაბილიტაცია (წყოუში).
ქალაღალი – ხიდ-ბოგირის მოწყობა.
საკონსულტაციო შეხვედრები ხვალ, 27 თებერვალს დასრულდება. შერჩეული პროექტები კი, დასამტკიცებლად საკრებულოს წარედგინება.
