წალენჯიხის მუნიციპალიტეტის საკრებულოს მომართვის საფუძველზე, მოქალაქე ნაპო მესხიამ, წარმოშობით სოფელ ობუჯიდან, დამსახურებულმა ნეიროქირურგმა და აფხაზეთის ავტონომიური რესპუბლიკის უმაღლესი საბჭოს წევრმა, გამოთქვა სურვილი, საკუთარი ფინანსური სახსრებით მუნიციპალიტეტს საჩუქრად გადასცეს ოთხი გამოჩენილი წალენჯიხელის ბიუსტი, მათი შემდგომში წალენჯიხაში განთავსების მიზნით:
• ეგნატე ფიფია
• შოთა მესხია
• იაკობ (იაშა) მესხია
• მამანტი ძაძამია
ასევე, საჩუქრის სახით მუნიციპალიტეტს გადაეცემა ანდრია პირველწოდებულისა და სვიმონ კანანელის მცირე სტელა, აგრეთვე ქართული ანბანის მცირე ბარელიეფი.
აღნიშნულ საკითხთან დაკავშირებით, 15 ივნისს, 12:00 საათზე, წალენჯიხის მუნიციპალიტეტის საკრებულოს სხდომათა დარბაზში გაიმართება საჯარო განხილვა.გთხოვთ, ყველა დაინტერესებულ პირს, მობრძანდეთ და მონაწილეობა მიიღოთ განხილვაში.
გმადლობთ ყურადღებისთვის.
