„სოფლის მხარდაჭერის პროგრამით“ დასაფინანსებელი პროექტების შერჩევის მიზნით დასახლებების საერთო კრებები და მოსახლეობასთან კონსულტაციები გრძელდება.
პროგრამის ფარგლებში შეხვედრები საჩინოს ადმინისტრაციულ ერთეულში გაიმართა.
შეხვედრებს წალენჯიხის მუნიციპალიტეტის მერის პირველი მოადგილე – ბესიკ ფარცვანია, საკრებულოს წევრი,სოციალურ საკითხთა კომისიის თავმჯდომარე ნანა კეკუა და სხვა შესაბამისი სამსახურების წარმომადგენლები ესწრებოდნენ.
2026 წელს, მუნიციპალიტეტში, „სოფლის მხარდაჭერის პროგრამის“ ფარგლებში, საქართველოს რეგიონებში განსახორციელებელი პროექტების ფონდიდან 644 000 ლარი დაიხარჯება.
მოსახლეობის მიერ შერჩეული პრიორიტეტები:
ზედა-საჩინო გარე-განათებების მოწყობა ლეშელიე,ლეგულორდე,ლეშეროზიეს უბნებში;
წისქვილის რეაბილიტაცია ლეშელიეს უბანში.
საჩინო-გარეგანათებების მოწყობა;
წყალგაყვანილობის მილის რეაბილიტაცია;
სასმელი წყლის ავზის შეძენა;
სანიაღვრე არხების მოწყობა;
საბავშვო ბაღისთვის ეზოს სათამაშოების შეძენა.
კუხეში-საბავშვო ბაღში იატაკის მოწყობა-რეაბილიტაცია;
სანიაღვრე არხის მოწყობა; მოსაცდელის მშენებლობა.
ნაგურუ-სანიაღვრე არხის მოწყობა;
წისქვილის რეაბილიტაცია.
ჩქვალერი-სასაფლაოს შემოღობვა, ლეფიფიეში გარე-განათებების მოწყობა, ლებაღეში სანიაღვრე არხებისა და პანდუსის მოწყობა, ლეშეროზიეში გარე-განათებები,ლექუხილეში კი სანიაღვრე არხების მოწყობა.
საკონსულტაციო შეხვედრები 27 თებერვალს დასრულდება. შერჩეული პროექტები კი დასამტკიცებლად საკრებულოს წარედგინება.
