წალენჯიხაში ტერენტი გრანელისადმი მიძღვნილი ტრადიციული ღონისძიება- „გრანელობა“ გაიმართა
დღეს, 10 ოქტომბერს, წალენჯიხის კულტურის ცენტრისა და სახელოვნებო-საგანმანათლებლო ცენტრის ორგანიზებით, დიდი პოეტის, ტერენტი გრანელისადმი მიძღვნილი ტრადიციული ღონისძიება- „გრანელობა“ გაიმართა.
ადგილობრივი ხელისუფლების წარმომადგენლებმა,საზოგადოების წევრებმა პოეტის ძეგლი ყვავილებით შეამკეს და მის ხსოვნას პატივი მიაგეს. დეკანოზმა, ილია სარიამ პოეტის სულის მოსახსენებელი პანაშვიდი გადაიხადა.
ღონისძიების ფარგლებში, ტერენტი გრანელის სახლ-მუზეუმში მხატვრულ-ლიტერატურული კომპოზიცია წარადგინეს, ხოლო დღის პროგრამა წალენჯიხის მთავარი ბიბლიოთეკის დარბაზში ფილმის ჩვენებით, “ტერენტი” -თ დასრულდა.
კვირეულის ფარგლებში ღონისძიებები კვლავ გაგრძელდება, დაგეგმილია სხვადასხვა გამოფენა და საინფორმაციო შეხვედრა, რომლებიც 22 ოქტომბერს , საზეიმოდ, “წალენჯიხობა-გრანელობა 2026 “-ით დასრულდება.
