ქალაქ ჯვარში, წერეთლის ქუჩაზე, გზის სარეაბილიტაციო სამუშაოები დასრულების ეტაპზეა. პროექტის ფარგლებში, ასფალტის საფარის დაგებასთან ერთად მოეწყო სანიაღვრე არხები, ხიდ-ბოგირები და მილ-ხიდები.
მიმდინარე სამუშაოებს წალენჯიხის მუნიციპალიტეტის მერი გუბა საჯაია, საკრებულოს თავმჯდომარის მოადგილე დარეჯან დადიანთან, მერის პირველ მოადგილესთან ბესიკ ფარცვანიასთან და სხვა სტრუქტურული ერთეულების ხელმძღვანელ პირებთან ერთად გაეცნო.
სამუშაოები საქართველოს რეგიონებში განსახორციელებელი პროექტების ფონდიდან ფინანსდება და მისი ღირებულება 774 000 ლარს შეადგენს.
