წალენჯიხის მუნიციპალიტეტის მერიის ინიციატივითა და მხარდაჭერით საგანმანათლებლო რესურსცენტრმა სკოლებში “მხიარულთა და საზრიანთა”კლუბი აღადგინა.
წალენჯიხის ნიკოლოზ შენგელაიას სახელობის კინოთეატრის დარბაზში ” მხიარულთა და საზრიანთა კლუბის” სკოლათაშორისი ღონისძიება გაიმართა, რომელშიც პირველ ეტაპზე წალენჯიხის მუნიციპალიტეტის ოთხმა საჯარო სკოლამ მიიღო მონაწილეობა.
ჟიურის გადაწყვეტილებით, ,,მხიარულთა და საზრიანთა კლუბის” გამარჯვებული ქალაქ წალენჯიხის მესამე საჯარო სკოლის (საკალანდიო) გუნდი გახდა.
წალენჯიხის მუნიციპალიტეტის მერიის გადაწყვეტილებით, გამარჯვებული გუნდი ორდღიანი საგზურით ქალაქ ბათუმში გაემგზავრება.
ღონისძიებას წალენჯიხის მუნიციპალიტეტის მერი გუბა საჯაია, მერის მოადგილეებთან,საგანმანათლებლო რესურსცენტრის უფროსთან, საკრებულოს წევრებთან და შესაბამისი სამსახურების წარმომადგენლებთან ერთად დაესწრო.
ღონისძიების დასასრულს, გუბა საჯაიამ მადლობა გადაუხადა ღონისძიებაში მონაწილე სკოლის მოსწავლეებსა და პედაგოგებს და წარმატებები უსურვა.
