წალენჯიხის მუნიციპალიტეტის მერმა გუბა საჯაიამ ადმინისტრაციულ ერთელებში მერის წარმომადგენლებთან მორიგი სამუშაო შეხვედრა გამართა.
შეხვედრას მერის პირველი მოადგილე ბესიკ ფარცვანია, მერის მოადგილე გიორგი კვარაცხელია და სს ენერგო-პრო ჯორჯიას წალენჯიხის ფილიალის მენეჯერი ალეკო ფირცხალავა ესწრებოდნენ.
შეხვედრაზე თოვლის გამო მუნიციპალიტეტში შექმნილი პრობლემები და არსებული საჭიროებები განიხილეს.
გუბა საჯაიამ ალეკო ფირცხალავასგან მოისმინა დღეისთვის არსებული ვითარება, მიმდინარე და განსახორციელებელი სამუშაოები.
მუნიციპალიტეტის მერმა სოფლებში არსებულ საჭიროებებზე, დროულ რეაგირებაზე და ზამთრის სეზონისთვის საჭირო საკითხებზე გაამახვილა ყურადღება და აღნიშნა, რომ უამინდობის პერიოდში მოსახლეობას ელექტრო მომარაგების პრობლემა არ უნდა ექმნებოდეს. მერმა უმთავრეს პრიორიტეტად ადგილობრივი მოსახლეობის მაქსიმალური მხარდაჭერა დაასახელა.
