31 მარტი საქართველოს დამოუკიდებლობის აღდგენის საკითხებზე ჩატარებული რეფერენდუმისა და საქართველოს პირველი პრეზიდენტის ზვიად გამსახურდიას დაბადების დღეა.
ამ დღესთან დაკავშირებით, წალენჯიხის მუნიციპალიტეტში, ზვიად გამსახურდიას ბიუსტი და ზვიადის სახელობის გორა ადგილობრივი ხელისუფლების წარმომადგენლებმა და სხვადასხვა სტრუქტურული ერთეულების ხელმძღვანელებმა ყვავილებით შეამკეს.
ნაგურუს წმინდა გიორგის სახელობის ტაძრის წინამძღვარმა დეკანოზმა ილია სარიამ ზვიადის სულის მოსახსენიებელი პანაშვიდი გადაიხადა.
35 წლის წინ, 1991 წლის 31 მარტს, პირველი პრეზიდენტის ზვიად გამსახურდიას გადაწყვეტილებით, საყოველთაო რეფერენდუმი ჩატარდა.
1991 წლის 9 აპრილს კი საქართველოს რესპუბლიკის უზენაესმა საბჭომ სახელმწიფოებრივი დამოუკიდებლობის აღდგენა გამოაცხადა.
საქართველოს პირველ პრეზიდენტს, მწერალს, მთარგმნელს, დისიდენტს, ფილოლოგიის მეცნიერებათა დოქტორს, საქართველოს ეროვნულ გმირს, ზვიად გამსახურდიას დღეს, 87 წელი შეუსრულდებოდა.
