„სოფლის მხარდაჭერის პროგრამით“ დასაფინანსებელი პროექტების შერჩევის ფარგლებში დასახლებების საერთო კრებები და მოსახლეობასთან კონსულტაციები დღეს, 20 თებერვალს სოფელ ეწერში გაიმართა.
შეხვედრას წალენჯიხის მუნიციპალიტეტის მერის მოადგილე გიორგი კვარაცხელია, საკრებულოს წევრები ირაკლი ძაძამია,დიმიტრი ქარდავა და შესაბამისი სამსახურების წარმომადგენლები დაესწრნენ.
მოსახლეობის მიერ შემდეგი პრიორიტეტები შეირჩა:
ლეძაძამეში-სასმელი წყლის მილებისა და წისქვილის რეაბილიტაცია;
ეწერში-საბავშვო ბაღისთვის ტექნიკის შეძენა(მაცივარი,გაზქურა), მილხიდის მოწყობა და 9 აპრილის სკვერის რეაბილიტაცია;
ლექარდეში- სასმელი წყლის მილის რეაბილიტაცია,სანიაღვრე არხის მოწყობა და წისქვილის რეაბილიტაცია.
საკონსულტაციო შეხვედრები 27 თებერვალს დასრულდება, შერჩეული პროექტები კი დასამტკიცებლად საკრებულოს წარედგინება.
