წალენჯიხის მუნიციპალიტეტის საკრებულოს თავმჯდომარემ, ცოტნე შონიამ, მუნიციპალიტეტის მერთან გუბა საჯაიასთან და მერის მოადგილეებთან — ბესიკ ფარცვანია და გიორგი კვარაცხელიასთან ერთად, მუნიციპალიტეტში 24-საათიან რეჟიმში მომუშავე დაწესებულებების ქალ თანამშრომლებს ქალთა საერთაშორისო დღე მიულოცა.
ადგილობრივი ხელისუფლების წარმომადგენლები „საქართველოს კლინიკების“ წალენჯიხის კლინიკას, ქალაქ წალენჯიხისა და ქალაქ ჯვარის სასწრაფო გადაუდებელი დახმარების ცენტრებს, ასევე შინაგან საქმეთა სამინისტროს წალენჯიხის რაიონულ და ქალაქ ჯვარის განყოფილებებს ესტუმრნენ და თანამშრომელ ქალბატონებს ყვავილების თაიგულები გადასცეს და მადლობა გადაუხადეს ყოველდღიური შრომისა და იმ მნიშვნელოვანი საქმიანობისთვის, რომელსაც ისინი საზოგადოების კეთილდღეობისა და უსაფრთხოების უზრუნველსაყოფად ახორციელებენ.
