სოციალურად დაუცველთა საცხოვრისით უზრუნველყოფის პროგრამის ფარგლებში, წალენჯიხის მუნიციპალიტეტის მერიის სოციალური და ჯანდაცვის პროგრამების მართვისა და ადმინისტრირების კომისიის მორიგი სხდომა გაიმართა.
სხდომას კომისიის თავმჯდომარე, მერის მოადგილე გიორგი კვარაცხელია უძღვებოდა.
სხდომას ესწრებოდნენ კომისიის წევრები: საკრებულოს თავმჯდომარის მოადგილე დარეჯან დადიანი,საკრებულოს წევრები და სხვადასხვა სტრუქტურული ერთეულების წარმომადგენლები.
მძიმე საცხოვრებელი პირობების მქონე პირთა საცხოვრებელი ფართით უზრუნველყოფის ფარგლებში, კომისიამ განცხადებები განიხილა.
აღსანიშნავია,რომ პროგრამა გათვლილია უკიდურესად მძიმე საცხოვრებელი პირობებით მცხოვრები ოჯახებისთვის.
ოჯახებისთვის, რომელთა საცხოვრებელი სახლი, რომელიც არ ექვემდებარება რეაბილიტაციას და საცხოვრებლად საშიშია, პროგრამა ითვალისწინებს ახალი სახლის მშენებლობას. იმ შემთხვევაში, როდესაც საცხოვრისი ექვემდებარება რეაბილიტაციას, პროგრამა ითვალისწინებს – რეაბილიტაციას.
კომისიის გადაწყვეტილებით, უკიდურესად გაუსაძლის პირობებში მცხოვრებ 3 ოჯახს საცხოვრებელი სახლი აუშენდება, 3 ოჯახისთვის კი კომისიამ მიიღო გადაწყვეტილება საცხოვრებელი ოთახის რეაბილიტაციის შესახებ.
