31 მარტი საქართველოს პირველი პრეზიდენტის ზვიად გამსახურდიას დაბადების და საქართველოს დამოუკიდებლობისთვის ჩატარებული რეფერენდუმის დღეა. სახელმწიფოებრივი დამოუკიდებლობის საკითხზე ჩატარებულ რეფერენდუმს საქართველოს მოსახლეობის აბსოლუტურმა უმრავლესობამ დამოუკიდებლობის აღდგენას დაუჭირა მხარი.
საქართველოს პირველ პრეზიდენტს დღეს 87 წელი შეუსრულდებოდა.
ამ დღესთან დაკავშირებით, წალენჯიხის მუნიციპალიტეტის საკრებულოს თავმჯდომარემ ცოტნე შონიამ, საკრებულოს თანამდებობის პირებმა და საკრებულოს წევრებმა გვირგვინით შეამკეს ზვიად გამსახურდიას მემორიალი და პატივი მიაგეს პირველი პრეზიდენტის ხსოვნას.
