კურორტ სქურში ჭანისწყლის ადიდებისას დაკარგული ირაკლი მაქაცარია გადარჩენილია.
ადგილზე მობილიზებული იყო სამაშველო სამსახურები.
კურორტ სქურში მდინარე ჭანისწყლის უეცარმა ადიდებამ საგანგებო სიტუაცია შექმნა. დაახლოებით 16 საათზე, მდინარეში მყოფი მოქალაქეების დასახმარებლად ირაკლი მაქაცარია შევიდა, თუმცა წყლის აჩქარებულმა დინებამ ის გაიტაცა.
დაუყოვნებლივ დაიწყო ფართომასშტაბიანი სამაშველო ოპერაცია. პროცესში ოპერატიულად ჩაერთნენ საგანგებო სიტუაციების მართვის სამსახურის ბრიგადები. სტიქიის ზონაში იმყოფებოდა წალენჯიხის მუნიციპალიტეტის მერი გუბა საჯაია, რომელიც სამაშველო ღონისძიებებს პირადად უწევდა კოორდინაციას.
სამაშველო ჯგუფების ოპერატიული და ეფექტური მუშაობის შედეგად, ირაკლი მაქაცარია უვნებლად გადარჩა, მის სიცოცხლესა და ჯანმრთელობას საფრთხე არ ემუქრება.
