სამეგრელო-ზემო სვანეთის სახელმწიფო რწმუნებულის, დავით ვერავას ხელმძღვანელობით, სამხარეო საკონსულტაციო საბჭოს სხდომა გაიმართა. რომელსაც მუნიციპალიტეტის მერი გუბა საჯაია, საკრებულოს თავმჯდომარე ცოტნე შონია რეგიონის ხელმძღვანელ პირებთან ერთად ესწრებოდნენ.
სხდომაზე საქართველოს რეგიონებში განსახორციელებელი პროექტების ფონდისთვის დამატებითი დაფინანსების მიზნით წარსადგენი 3 მუნიციპალიტეტის 17 პროექტი განიხილეს.
საკონსულტაციო საბჭოს სხდომის დასრულების შემდეგ სახელმწიფო რწმუნებულმა, მუნიციპალიტეტების წარმომადგენლებთან ერთად, მიმდინარე საკითხები განიხილა. საუბარი შეეხო დანიშნულების ადგილის მართვის ორგანიზაციის (DMO) მიერ ტურიზმის მიმართულებით დაგეგმილ პროექტებს.
