24 აგვისტოდან წალენჯიხაში „სტუდენტური დღეები 2026“ იწყება.
ღონისძიების მაღალ დონეზე ორგანიზებისა მიზნით, მერის მოადგილე გიორგი კვარაცხელია შესაბამისი სამსახურების ხელმძღვანელებთან ერთად სტუდენტებს შეხვდა. შეხვედრაზე პროექტის ფარგლებში დაგეგმილი ღონისძიებები განიხილეს.
სტუდენტებმა შეხვედრაზე საკუთარი ინიციატივები და წინადადებები წარადგინეს, რომლებიც ,,სტუდენტური დღეების” პროგრამაში აისახება.
შესაბამისი სამსახურების ხელმძღვანელებმა მზადყოფნა გამოთქვეს ღონისძიებების შეუფერხებელი და უსაფრთხოდ ჩატარებისთვის.
შეხვედრის მონაწილეთა განცხადებით, სტუდენტებს წინ დაუვიწყარი, ენერგიული და მრავალფეროვანი დღეები ელოდებათ, სადაც ახალგაზრდებს საკუთარი შესაძლებლობების გამოვლენისა და ერთმანეთის გაცნობის საუკეთესო შესაძლებლობა ექნებათ.
სტუდენტურ დღეებში მონაწილეობის მისაღებად, მსურველებს შეუძლიათ 24 აგვისტოს, 12:00 საათზე გამოცხადდნენ ნიკოლოზ შენგელაიას სახელობის კინოთეატრის დარბაზში და რეგისტრაცია გაიარონ.
