წალენჯიხაში ღვაწლმოსილი პედაგოგები დააჯილდოვეს.
ნიკოლოზ შენგელაიას სახელობის წალენჯიხის კულტურის სახლში საქართველოს განათლების, მეცნიერებისა და ახალგაზრდობის მინისტრმა, გივი მიქანაძემ და მუნიციპალიტეტის მერმა გუბა საჯაიამ მუნიციპალიტეტის ღვაწლმოსილი პედაგოგები დააჯილდოვეს.
მრავალწლიანი პროფესიული საქმიანობისთვის, საქმისადმი ერთგულებისა და განათლების სფეროში შეტანილი გამორჩეული წვლილისთვის დაჯილდოვდნენ:
მაია ნაჭყებია-ფიზიკის წამყვანი პედაგოგი;
სალომე ზარქუა- ინგლისური ენის მენტორ-მასწავლებელი;
შორენა გოგოხია- ქართული ენისა და ლიტერატურის უფროსი პედაგოგი;
ნანა ჯაბურია- საბუნებისმეტყველო საგნების მენტორი, პედაგოგი.
ლია ზანთარაია-ფიზიკოსი, მენტორი პედაგოგი.
მინისტრმა გივი მიქანაძემ, წალენჯიხის მუნიციპალიტეტის მერმა გუბა საჯაიამ, საქართველოს პარლამენტის წევრმა ილია ინჯიამ და წალენჯიხის საგანმანათლებლო რესურსცენტრის უფროსმა ლირა ღურწკაიამ მასწავლებლებს მომავალი თაობების აღზრდასა და განათლებაში შეტანილი განსაკუთრებული წვლილისთვის მადლობა გადაუხადეს და შემდგომი წარმატებები უსურვეს.
გივი მიქანაძემ პედაგოგებსა და დამსწრე საზოგადოებას ზოგადი განათლების სისტემაში მიმდინარე რეფორმები, განხორციელებული პროექტები და სამომავლო გეგმები გააცნო.
ღონისძიებას ასევე ესწრებოდნენ სამეგრელო-ზემო სვანეთის სახელმწიფო რწმუნებული დავით ვერავა,წალენჯიხის მუნიციპალიტეტის საკრებულოს თავმჯდომარე ცოტნე შონია, მერის მოადგილეები, საკრებულოს წევრები, ადგილობრივი თვითმმართველობისა და საგანმანათლებლო სფეროს წარმომადგენლები.
საქართველოს განათლების, მეცნიერებისა და ახალგაზრდობის მინისტრის, გივი მიქანაძის გადაწყვეტილებით, მასწავლებლის ეროვნულ დღესთან დაკავშირებით, ღვაწლმოსილი პედაგოგების დაჯილდოების ცერემონია ქვეყნის ყველა რეგიონში გაიმართება.
