საჩინოს ადმინისტრაციული ერთეულის ნაგურუს უბანში საგზაო ინფრასტრუქტურული პროექტის განხორციელება იწყება. პროექტის ფარგლებში, არსებულ გრუნტოვან გზაზე ბეტონის საფარი დაიგება და სანიაღვრე არხები მოეწყობა.
ნაგურუში სამუშაოების დაწყების პროცესს წალენჯიხის მუნიციპალიტეტის მერი გუბა საჯაია, მერის პირველ მოადგილე ბესიკ ფარცვანიასთან და სოფლის მაჟორიტარ დეპუტატთან, ნანა კეკუასთან ერთად გაეცნო და ადგილობრივ მოსახლეობას შეხვდა.
როგორც მერმა აღნიშნა, განახლებული გზა, რომელიც დასახლებას წმინდა გიორგის სახელობის ტაძართან აკავშირებს, მნიშვნელოვნად გაუადვილებს გადაადგილებას, როგორც ადგილობრივ მოსახლეობას, ისე ტაძრის მომლოცველებს.
სამუშაოები რეგიონებში განსახორციელებელი პროექტების ფონდიდან ფინანსდება.
