წალენჯიხის მუნიციპალიტეტის საჩინოს ადმინისტრაციულ ერთეულში უფასო სკრინინგ -აქცია ჩატარდა.
კვლევები მოიცავდა: B და C ჰეპატიტების,აივ ინფექცია/შიდსის სკრინინგის კვლევები 18 წლისა და უფროსი ასაკის პირებისთვის.
ძუძუს კიბოს სკრინინგს 40-70 წლის ქალებისთვის; საშვილოსნოს ყელის კიბოს სკრინინგს 25-60 წლის ჩათვლით ქალებისთვის; მსხვილი ნაწლავის კიბოს სკრინინგს; 50-70 წლის ჩათვლით ქალებისა და მამაკაცებისთვის; პროსტატის კიბოს სკრინინგს 50-70 წლის ჩათვლით მამაკაცებისთვის.
აქციის მიმდინარეობას წალენჯიხის მუნიციპალიტეტის მერი გუბა საჯაია,დაავადებათა კონტროლისა და საზოგადოებრივი ჯანდაცვის წარმომადგენლებთან , მერის პირველ მოადგილესთან ბესიკ ფარცვანიასთან, საჩინოს მაჟორიტარ დეპუტატთან ნანა კეკუასთან და შესაბამისი სამსახურის თანამშრომლებთან ერთად გაეცნო.
უფასო სკრინინგ-აქცია ჯანდაცვის სახელმწიფო პროგრამის ფარგლებში, დაავადებათა კონტროლისა და საზოგადოებრივი ჯანმრთელობის ეროვნული ცენტრის ორგანიზებითა და წალენჯიხის მუნიციპალიტეტის მერიის მხარდაჭერით გაიმართა.
ადგილობრივ მცხოვრებლებს შესაძლებლობა ჰქონდათ სკრინინგ- კვლევები სრულიად უფასოდ ჩაეტარებინათ.
