დღეს, 31 მარტს, წალენჯიხის მუნიციპალიტეტის საკრებულოს სხდომათა დარბაზში გაიმართა ქალთა და ბავშვთა საკითხებზე მომუშავე მუნიციპალური საბჭოს სხდომა.
სხდომის დაწყებამდე საბჭოს წევრებმა წუთიერი დუმილით პატივი მიაგეს საქართველოს პირველი პრეზიდენტის ზვიად გამსახურდიას ხსოვნას.
სხდომას საბჭოს თავმჯდომარე დარეჯან დადიანი უძღვებოდა, რომელმაც საბჭოს წევრებს დღის წესრიგით წარმოდგენილი საკითხები გააცნო.
დღის წესრიგი:
1. წალენჯიხის მუნიციპალიტეტის ქალთა და ბავშვთა საკითხებზე მომუშავე მუნიციპალური საბჭოს 2026-2028 წლის სამოქმედო გეგმის განხილვის თაობაზე.
2. სხვადასხვა
სხდომის ფარგლებში საბჭოს წევრებმა იმსჯელეს საბჭოს მიზნებსა და ამოცანებზე. განსაკუთრებული ყურადღება დაეთმო საბჭოს საქმიანობის წესსა და ორგანიზაციულ საკითხებს.
სხდომაზე გამოიკვეთა საბჭოს საქმიანობის შემდგომი ნაბიჯები, რომლებიც მიზნად ისახავს დებულებით განსაზღვრული ამოცანების ეფექტიან განხორციელებას და ქალთა და ბავშვთა საკითხებზე მუნიციპალური პოლიტიკის კიდევ უფრო გაძლიერებას.
