წალენჯიხის მუნიციპალიტეტში საგზაო ინფრასტრუქტურის გაუმჯობესების მიზნით მორიგი პროექტის განხორციელება მიმდინარეობს.
ამჯერად, ასფალტის საფარის პირველი ფენის დაგება ხობელიას ქუჩაზე ხორციელდება.
მიმდინარე სამუშაოებს წალენჯიხის მუნიციპალიტეტის მერი გუბა საჯაია მერის პირველ მოადგილესთან ბესიკ ფარცვანიასთან და მერის მოადგილე გიორგი კვარაცხელიასთან ერთად გაეცნო .
სარეაბილიტაციო სამუშაოები საქართველოს რეგიონებში განსახორციელებელი პროექტების ფონდიდან გამოყოფილი დაფინანსებით ხორციელდება.
პროექტის ფარგლებში სანიაღვრე არხებიც მოეწყობა. სამუშაოების დასრულების შედეგად კი
საგზაო მონაკვეთი სრულად მოწესრიგდება.
შეიქმნება უსაფრთხო და კომფორტული გადაადგილების პირობები და
ადგილობრივი მოსახლეობის საყოფაცხოვრებო გარემო მნიშვნელოვნად გაუმჯობესდება.
