წალენჯიხის მუნიციპალიტეტში „სოფლის მხარდაჭერის პროგრამით“ დასაფინანსებელი პროექტების შერჩევის მიზნით დასახლებების საერთო კრებები და მოსახლეობასთან კონსულტაციები გრძელდება.
დასახლების საერთო კრებები ჯგალისა და მედანის ადმინისტრაციულ ერთეულებში გაიმართა.
შეხვედრას წალენჯიხის მუნიციპალიტეტის მერის პირველი მოადგილე ბესიკ ფარცვანია, მოადგილე გიორგი კვარაცხელია, საკრებულოს თავმჯდომარის პირველი მოადგილე გივი კაჭარავა,საკრებულოს წევრები დალი კვარაცხელია,ლირა ღურწკაია,იაგო მიქავა და შესაბამისი სამსახურების წარმომადგენლები დაესწრნენ.
შეხვედრაზე განიხილეს სოფლებში არსებული გამოწვევები, როგორც ინფრასტრუქტურული, ასევე სოციალური მიმართულებით.
მოსახლეობის მიერ შემდეგი სახის პრიორიტეტები შეირჩა:
ჯგალი- სასმელი წყლის მილის რეაბილიტაცია;
ლეკაკულე-ბონდის ხიდის რეაბილიტაცია;
ლესალე-ფეხბურთის მოედნის მოწყობა;
ლეხარჩილე-შიდა საუბნო გზაზე ბეტონის საფარის მოწყობა;
გარდა აღნიშნულისა დასახელდა ასევე წისქვილის რეაბილიტაცია და სასაფლაოს ტერიტორიის შემოღობვა.
ლეთკანთში კი სასაფლაოზე საჩრდილობელის მოწყობა.
მედანის ადმინისტრაციულ ერთეულში შერჩეული პრიორიტეტებია:
მედანი-სასაფლაოს შემოღობვა;
ლარამედანი-სკვერის მოწყობა.
დასახლების საერთო კრებებზე ადგილობრივი მოსახლეობა აქტიურად არის ჩართული,სადაც საუბრობენ სოფელში არსებულ საჭიროებებზე და იმ პრიორიტეტულ პროექტებზე, რომლის განხორციელებაც პროგრამის ფარგლებშია შესაძლებელი.
საკონსულტაციო შეხვედრები 27 თებერვალს დასრულდება, შერჩეული პროექტები კი დასამტკიცებლად საკრებულოს წარედგინება.
