წალენჯიხის მუნიციპალიტეტის მერიის მხარდაჭერითა და „გლობალმედის საუნივერსიტეტო კლინიკის“ ორგანიზებით, ლიის ადმინისტრაციულ ერთეულში ადგილობრივი მოსახლეობისთვის უფასო სამედიცინო შემოწმების აქცია ჩატარდა.
მიმდინარე სამედიცინო აქციას ადგილზე წალენჯიხის მუნიციპალიტეტის მერი გუბა საჯაია და პირველი მოადგილე ბესიკ ფარცვანია ესწრებოდნენ, რომლებიც პროცესის მიმდინარეობას გაეცნენ.
ღონისძიების ფარგლებში ადგილობრივ მცხოვრებლებს კლინიკის მაღალკვალიფიციურმა ექიმთა გუნდმა უფასო კონსულტაციები და კვლევები ჩაუტარა.
სამედიცინო მომსახურების ფარგლებში, მოქალაქეებს
კონსულტაციებს უწევდნენ ნევროლოგი, გინეკოლოგი, კარდიოლოგი, ქირურგი, ტრავმატოლოგი, თერაპევტი და ონკო-ჰემატოლოგი. ასევე ჩაუტარდათ
დიაგნოსტიკური კვლევები- ექოსკოპია.
სამედიცინო აქციის მიზანი მოსახლეობის ჯანმრთელობის მდგომარეობაზე ზრუნვა, დაავადებების ადრეული დიაგნოსტიკა და პრევენციული ღონისძიებების ხელმისაწვდომობის გაზრდაა.
