სტუდენტური დღეები -2026“ წალენჯიხაში ოფიციალურად დაიწყო.
ნიკოლოზ შენგელაიას სახელობის წალენჯიხის კინოთეატრში სტუდენტებთან პირველი შეხვედრა გაიმართა. ახალგაზრდებს პროექტის დაწყება წალენჯიხის მუნიციპალიტეტის მერის მოადგილემ, გიორგი კვარაცხელიამ საკრებულოს წევრებთან და შესაბამისი სამსახურების წარმომადგენლებთან ერთად მიულოცა, წარმატებები უსურვა და დაგეგმილი სიახლეები გააცნო.
სტუდენტებმა გაიარეს რეგისტრაცია, მონაწილეები 4 გუნდად გადანაწილდნენ. წინ ენერგიული, შემოქმედებითი და დატვირთული დღეები ელოდებათ.
გაიმართება სპორტული და ინტელექტუალური ტურნირები, გუნდური შეჯიბრებები სხვადასხვა სახეობასა და შემეცნებით თამაშში.
კინოჩვენებები და დისკუსიები, საინტერესო ფილმების განხილვა და ღია დიალოგები.
მუსიკალური საღამოები, გართობა და პოზიტიური განწყობა.
ლაშქრობები, აქტიური დასვენება და ბუნებაში დროის ნაყოფიერად გატარება.
„სტუდენტური დღეები-2026“ ახალგაზრდების გაერთიანებას, გუნდური სულისკვეთების გაძლიერებასა და ჯანსაღი, აქტიური ცხოვრების წესის დამკვიდრებას ისახავს მიზნად.
ღონისძიებები წალენჯიხის მუნიციპალიტეტის მერიის მხარდაჭერითა და სახელოვნებო-საგანმანათლებლო ცენტრის, სასპორტო,ფეხბურთის ცენტრისა და კულტურის ცენტრის ორგანიზებით ტარდება.
