წალენჯიხის მუნიციპალიტეტში „სოფლის მხარდაჭერის პროგრამით“ დასაფინანსებელი პროექტების შერჩევის მიზნით დასახლებების საერთო კრებები და მოსახლეობასთან კონსულტაციები გრძელდება.
შეხვედრები დღეს,16 თებერვალს, სამესხიოს, ჯაღირასა და ობუჯის ტერიტორიაზე გაიმართა.
შეხვედრებს წალენჯიხის მუნიციპალიტეტის მერი გუბა საჯაია, მერის მოადგილეები – ბესიკ ფარცვანია, გიორგი კვარაცხელია, საკრებულოს თავმჯდომარე ცოტნე შონია, საკრებულოს თავმჯდომარის პირველი მოადგილე გივი კაჭარავა, საკრებულოს წევრები და სხვა შესაბამისი სამსახურების წარმომადგენლები ესწრებოდნენ.
2026 წელს, მუნიციპალიტეტში, „სოფლის მხარდაჭერის პროგრამის“ ფარგლებში, საქართველოს რეგიონებში განსახორციელებელი პროექტების ფონდიდან 644 000 ლარი დაიხარჯება.
მოსახლეობამ ხმათა უმრავლესობით შემდეგი სახის პრიორიტეტები დაასახელა:
სოფელი სამესხიო: შიდა-საუბნო გზების მოხრეშვა-მოშანდაკება;
სოფელი ჯაღირა: შიდა-საუბნო გზაზე ბეტონის საფარის მოწყობა;
ობუჯი: სასაფლაოს ტერიტორიის შემოღობვა, სქურდილას უბანში გარე-განათებების მოწყობა.
შეხვედრაზე მუნიციპალიტეტის მერმა მოსახლეობის მიერ დასმულ შეკითხვებს უპასუხა და სამომავლო გეგმებზეც ისაუბრა.
საკონსულტაციო შეხვედრები 13 თებერვლიდან 27 თებერვლის ჩათვლით მუნიციპალიტეტის ყველა ადმინისტრაციულ ერთეულში გაიმართება, შერჩეული პროექტები კი დასამტკიცებლად საკრებულოს წარედგინება.
