„სოფლის მხარდაჭერის პროგრამით“ დასაფინანსებელი პროექტების შერჩევის მიზნით დასახლებების საერთო კრებები და მოსახლეობასთან კონსულტაციები გრძელდება.
შეხვედრები დღეს, 23 თებერვალს, ლიის ადმინისტრაციულ ერთეულში გაიმართა.
შეხვედრებს წალენჯიხის მუნიციპალიტეტის მერი გუბა საჯაია, მერის პირველი მოადგილე – ბესიკ ფარცვანია, საკრებულოს წევრი მალხაზ სამუშია და სხვა შესაბამისი სამსახურების წარმომადგენლები ესწრებოდნენ.
2026 წელს, მუნიციპალიტეტში, „სოფლის მხარდაჭერის პროგრამის“ ფარგლებში, საქართველოს რეგიონებში განსახორციელებელი პროექტების ფონდიდან 644 000 ლარი დაიხარჯება.
მოსახლეობამ ხმათა უმრავლესობით პრიორიტეტები დაასახელა:
პალურში-სკვერის მოწყობა და საბავშვო ბაღის საკანალიზაციო სისტემის რეაბილიტაცია;
ლიაში-სასმელი წყლით უზრუნველყოფა (საქობალიოს უბანი);
გარე-განათებების მოწყობა;
სკვერის ნაწილობრივ რეაბილიტაცია.
ზედა-ლია – სასმელი წყლით უზრუნველყოფა და შიდა-საუბნო გზაზე ბეტონის საფარის დაგება.
მახარია – გარე-განათებების მოწყობა;
შიდა-საუბნო გზების მოხრეშვა-მოშანდაკება.
შეხვედრაზე ხელმძღვანელმა პირებმა მოსახლეობის მიერ დასმულ შეკითხვებს უპასუხეს.
საკონსულტაციო შეხვედრები 27 თებერვალს დასრულდება. შერჩეული პროექტები კი დასამტკიცებლად საკრებულოს წარედგინება.
