საზოგადოებრივი უსაფრთხოების მართვის ცენტრი 112 არის საქართველოს შინაგან საქმეთა სამინისტროს საჯარო სამართლის იურიდიული პირი, რომელიც უზრუნველყოფს საგანგებო და გადაუდებელ სიტუაციებზე ოპერატიულ რეაგირებას.

აღნიშნული სსიპ-ი ახორციელებს გადაუდებელი დახმარების ოპერატიული და ეფექტიანი მართვისათვის შესაბამის სატელეფონო მომსახურებას, აგრეთვე 24-საათიან უწყვეტ ვიდეომეთვალყურეობას ქვეყნის მასშტაბით დანაშაულის ჩადენის, დანაშაულის მცდელობის ფაქტის, სამართალდარღვევის დაფიქსირების ადმინისტრირებისა და აგრეთვე საგზაო უსაფრთხოების განმტკიცების მიზნით.

ცენტრის ძირითადი მიმართულებებია:

• დანაშაულის წინააღმდეგ ბრძოლის გაუმჯობესება;
• საგზაო უსაფრთხოების ეფექტური მართვა;
• ოჯახში ძალადობის წინააღმდეგ ეფექტური ბრძოლა;
• საზოგადოებრივი უსაფრთხოების ინტეგრირებული მართვის სისტემის შექმნა;
• კრიზისული სიტუაციების ეფექტური პრევენცია / მართვა;
• მონაცემთა ეფექტური დამუშავება / ანალიზი;
• კერძო დაცვითი საქმიანობის კონტროლი.

საზოგადოებრივი უსაფრთხოების მართვის ცენტრი „112“ განთავსებულია ორ ლოკაციაზე – თბილისსა და ქ. რუსთავში. ქ. რუსთავის ცენტრი 2016 წელს გაიხსნა. მეორე ცენტრის დაარსების მიზანს თბილისის ცენტრის განტვირთვა და გადაზღვევა წარმოადგენს.

ცხელი ხაზი

• გადაუდებელი დახმარების ერთიანი ნომერი : 112
• გენერალური ინსპექცია : 126
• საპატრულო პოლიციის ერთიანი მომსახურების ცენტრი : (+995 032) 2 41 42 42
• მომსახურების სააგენტო : (+995 032) 2 41 91 91
• დაცვის პოლიციის დეპარტამენტი: 125

• 112-ზე დარეკვა შესაძლებელია საქართველოს ტერიტორიაზე მყოფი ნებისმიერი პირისთვის:
• საქართველოს ნებისმიერი წერტილიდან
• 24 საათის განმავლობაში
• ფიქსირებული და მობილური ტელეფონიდან
• სიმ-ბარათის გარეშე
• ინდექსისა და ქალაქის კოდის გარეშე
• ორმხრივად გათიშული ფიქსირებული ტელეფონებიდან
• ორმხრივად გათიშული მობილური ტელეფონებიდან

გახსოვდეთ!

112-ში დარეკვისთვის აუცილებელია მობილური ტელეფონი ფიქსირდებოდეს საქართველოში მოქმედი მობილური პროვაიდერების (მაგთი, ჯეოსელი, ბილაინი) დაფარვის ზონაში.

სიახლე!
112-თან დაკავშირება შშმ პირებისთვისაც გახდა შესაძლებელი. კერძოდ, ყრუ და სმენადაქვეითებულ პირებს, გადადუდებელ შემთხვევებში, შეუძლიათ მოკლე ტექსტური შეტყობინებისა და ვიდეო ზარის საშუალებით დაუკავშირდნენ 112-ს. სერვისი ხელმისაწვდომია 24 საათის განმავლობაში, საქართველოს მასშტაბით. სერვისის შესახებ დეტალური ინფორმაცია იხილეთ ბმულზე

112 განკუთვნილია საგანგებო და გადაუდებელი სიტუაციებისთვის, როდესაც საფრთხე ემუქრება ადამიანის სიცოცხლეს, მის ჯანმრთელობას, კერძო ან საზოგადოებრივ საკუთრებას.
გადაუდებელია შემთხვევა, როდესაც აუცილებელია პოლიციის, სახანძრო/სამაშველო ბრიგადის ან სასწრაფოს დაუყოვნებლივ მოსვლა.

იმისათვის, რომ განსაზღვროთ არის თუ არა სიტუაცია გადაუდებელი უნდა უპასუხოთ შემდეგ კითხვას:
აუცილებელია საგანგებო სამსახურების (პოლიცია, სახანძრო, სასწრაფო) დაუყოვნებლივ მოსვლა ადგილზე?
თუ ამ კითხვაზე თქვენი პასუხია „დიახ“ აუცილებლად უნდა დარეკოთ 112 - ზე და მიაწოდოთ ოპერატორს ინფორმაცია რა მოხდა ან რა შეიძლება მოხდეს.

დარეკეთ 112 - ზე, როდესაც:
ხანძარია

• პიროვნებამ მოულოდნელად დაკარგა გონება
• პიროვნებას აქვს სხეულის სერიოზული დაზიანება
• პიროვნებას აქვს ძლიერი სისხლდენა
• გახდით თვითმკვლელობის მცდელობის თვითმხილველი
• გახდით მკვლელობის თვითმხილველი
• გახდით ავტოსატრანსპორტო შემთხვევის თვითმხილველი
• გახდით ყაჩაღობის თვითმხილველი
• გახდით ძარცვის თვითმხილველი
• გახდით ძალადობის თვითმხილველი
• შეამჩნიეთ პოლიციის მიერ ძებნილი პიროვნება
• გახდით ნარკოტიკების მოხმარების თვითმხილველი
• შეამჩნიეთ საეჭვო სახის ნივთი
• გახდით აფეთქების თვითმხილველი