დღეს, 28 თებერვალს, წალენჯიხის მუნიციპალიტეტის მერიის სოციალური და ჯანდაცვის პროგრამების მართვისა და ადმინისტრირების კომისიის მორიგი სხდომა გაიმართა.

სხდომას წალენჯიხის მუნიციპალიტეტის მერის მოადგილე თამარ ბელქანია ხელმძღვანელობდა.

სხდომას ესწრებოდნენ წალენჯიხის მუნიციპალიტეტის საკრებულოს წევრები: რაისა ჩანგელია საკრებულოს სოციალურ საკითხთა კომისიის თავმჯდომარე; მაია მიქავა ფრაქცია ,,ქართული ოცნება დემოკრატიული საქართველო”-ს თავმჯდომარე, გონერი კვარაცხელია-წალენჯიხის მუნიციპალიტეტის საკრებულოს წევრი, საკრებულოს ფრაქცია” წალენჯიხა საქართველოსთვის” თავმჯდომარე და კომისიის წევრები სხვადასხვა სტრუქტურული ერთეულებიდან.

სოციალური და ჯანდაცვის პროგრამების მართვისა და ადმინისტრირების კომისიამ განიხილა სტიქიის შედეგად(ხანძარი) დაზარალებული ოჯახების ფინანსური მხარდაჭერის საკითხები და მიიღო გადაწყვეტილება ფინანსური დახმარების გაწევის შესახებ.

შინაგან საქმეთა სამინისტროს საგანგებო სიტუაციების მართვის სამსახურმა შეიძინა ათი ახალი სახანძრო ავტომანქანა, რომლებიც ქვეყნის მასშტაბით რეგიონებში გადანაწილდა.

ხალი, მაღალი გამავლობის,თანამედროვე სტნდარტების დონის სახანძრო ავტომანქანა დღეს წალენჯიხის მუნიციპალიტეტის სახანძრო-სამაშველო სამსახურს გადაეცა.

ა(ა)იპ წალენჯიხის სახელოვნებო-საგანმანათლებლო ცენტრთან არსებულმა ანსამბლებმა-ფოლკლორული ანსამბლი “მამული” , ქორეოგრაფიული ანსამბლი-“იმედი” და ” მტრედები”, სიმღერისა და ცეკვის საერთაშორისო ფესტივლ ,,ჰარირა”-ში მიიღეს მონაწილეობა.

ფესტივალში ფოლკლორული ანსამბლი ,,მამული” ,
გრან-პრისა და ოქროს არწივის მფლობელი გახდა და მათ ასევე
მოწვევა მიიღეს ამერიკის შეერთებულ შტატებსა და საბერძნეთში (ასარჩევად).

ქორეოგრაფიული ანსამბლი “იმედი” და “მტრედები” კი დიპლომებით დაჯილდოვდნენ.

ბავშვთა დაცვის სისტემების და მომსახურების გაძლიერების მიზნით,საქართველოს ადგილობრივ თვითმმართველობათა ეროვნული ასოციაცია “ათეა” გაეროს ბავშვთა ფონდის მხარდაჭერით ახორციელებს პროექტს,რომლის პირველ ეტაპზე იგეგმება საჭიროებათა კვლევა.

აღნიშნულიდან გამომდინარე, დღეს “ათეა”-ს წარმომადგენლებმა სამუშაო შეხვედრა გამართეს წალენჯიხის მუნიციპალიტეტის მერის წარმომადგენლებთან და მერიის სოციალური სამსახურის წარმომადგენლებთან.

შეხვედრას უძღოდნენ ექსპერტები-ნინო ზურაბიშვილი, თამარ ივანიძე და კახა გურგენიძე.

ისაუბრეს ბავშვთა უფლებების დაცვისა და სამუშაო ჯგუფების შექმნის საკითხებზე.

აღინიშნა, რომ შეიქმნება მუშა ჯგუფები, რომლის შემადგენლობაშიც იქნებიან როგორც მერის წარმომადგენლები,ასევე სოციალური სამსახურის მუშაკები,რომლებიც იმუშავებს მნიშვნელოვანი დოკუმენტის შექმნაზე.

ტრენინგის მიმდინარეობისას გაიმართა დისკუსია. სოციალური სამსახურისა და მერის წარმომადგენლებმა მიიღეს სრული ინფორმაცია საჭიროებათა კვლევის მეთოდოლოგიის შესახებ.

ა(ა)იპ ახალგაზრდა მწერალთა და შემოქმედთა ორგანიზაციის დამფუძნებლები წალენჯიხის მუნიციპალიტეტის მერის მოადგილეს თამარ ბელქანიას სტუმრობდნენ.

შეხვედრის თემა გახლდათ ინტელექტუალურ-შემეცნებითი პროექტის -რა, სად,როდის ჩატარება წალენჯიხის მუნიციპალიტეტში. რომლის მიზანია ახალგაზრდების ინტელექტუალურ-შემეცნებითი, გუნდური და ლიდერული უნარების გაუმჯობესება.

თამარ ბელქანიამ ისაუბრა მსგავსი პროექტების განხორციელების მნიშვნელობაზე, ახალგაზრდებში ჯანსაღი ცხოვრების წესის დამკვიდრებაზე.

მერის მოადგილემ ახალგაზრდებთან შეხვედრაზე სრული მზაობა გამოთქვა პროექტის განხორციელების საქმეში.

ინტელექტუალური პროექტი-რა, სად,როდის- წალენჯიხაში 24 თებერვალს,11:00-დან 15:00 საათამდე ქალაქ წალენჯიხის ნიკოლოზ შენგელაიას სახელობის კინოთეატრის დარბაზში გაიმართება.

ქალთა ფონდი “სოხუმი “-ს მიერ წალენჯიხის მუნიციპალიტეტის სამედიცინო პერსონალისთვის ჩატარდა შეხვედრა გენდერულ ძალადობაზე რეაგირების საკითხებთან დაკავშირებით.

შეხვედრას ასევე ა(ა)იპ წალენჯიხის საზოგადოებრივი ჯანდაცვის ცენტრის თანამშრომლები ესწრებოდნენ.

ისაუბრეს ქალთა მიმართ ძალადობასა და ოჯახში ძალადობის საკითხებზე. ძალადობის მსხვერპლთა დაცვისა და დახმარების მნიშვნელობაზე.

ისაუბრეს სამედიცინო სისტემის წარმომადგენელთათვის ძალადობის სხვადასხვა ფორმის შესახებ ინფორმაციის ცოდნაზე. სამედიცინო პერსონალის როლზე ძალადობაზე რეაგირების საქმეში.

აღსანიშნავია, რომ სამედიცინო პერსონალის მხრიდან ძალადობის ფაქტებზე რეაგირების უზრუნველსაყოფად არაერთი საერთაშორისო სამართლებრივი დოკუმენტი გამოიცა.

საერთაშორისო სამართლებრივი დოკუმენტებიდან აღსანიშნავია გაეროს 1979 წლის კონვენცია, ქალთა მიმართ დისკრიმინაციის ყველა ფორმის აღმოფხვრის შესახებ, რომელსაც საქართველო 1994 წელს შეუერთდა.

აღნიშნული სახის შეხვედრა მედპერსონალთათვის კვლავაც გაგრძელდება.