სამუშაო საათები: ორშ – პარ: 09:00 – 18:00

ცხელი ხაზი 599 64 70 50

კატეგორია: მერია

alika caava1

ალიკა ცაავას გარდაცვალებიდან 2 წელი გავიდა

რუსეთ-უკრაინის ომში დაღუპული ქართველი მებრძოლის, ჯვარელი ალიკა ცაავას გარდაცვალებიდან 2 წელი გავიდა.
ის 2022 წლის 16 აპრილს ,ლუგანსკის ოლქში ,ქალაქ რუბეჟნოესთან დაიღუპა.
ალიკა ცაავა ასევე , 2008 წლის რუსეთ-საქართველოს ომში კომანდოს ბატალიონის წევრი გახლდათ. მისი ოჯახი აფხაზეთიდან დევნილია ქ. ჯვარში ცხოვრობს. ალიკას მამა,ბაბუა და ბიძა აფხაზეთის ომში დაიღუპნენ.
ალიკა ცაავას ხსოვნას დღეს პატივი მიაგეს წალენჯიხის მუნიციპალიტეტის ხელმძღვანელმა პირებმა,მეგობრებმა,ოჯახის წევრებმა.

ვრცლად
გაეროს მოსახლეობის ფონდი1

გაეროს მოსახლეობის ფონდის პროგრამის წარმომადგენლებმა საინფორმაციო შეხვედრა გამართეს

გაეროს მოსახლეობის ფონდის პროგრამის წარმომადგენლებმა , პროგრამის კოორდინატორმა ნანუკა ავალიანმა და პროგრამის ექსპერტმა ეკატერინე   სხილაძემ წალენჯიხის მუნიციპალიტეტის თვითმმართველობის სხდომათა დარბაზში მუნიციპალიტეტის ხელმძღვანელ პირებთან და გენდერული საბჭოს წევრებთან სამუშაო შეხვედრა გამართეს.

გაეროს მოსახლეობის ფონდის საქმიანობა მიმართულია მთელ რიგ მნიშვნელოვან საკითხებზე, რომელთა შორისაა სოციალური , გენდერული საკითხები. ფონდი ეხმარება საქართველოს საერთაშორისო კონცეფციის (ICPD) სამოქმედო პროგრამის განხორციელებაში.

დღევანდელი შეხვედრის თემა გახლდათ მუნიციპალიტეტთან ურთიერთთანამშრომლობა და პოლიტიკის დოკუმენტის შემუშავებაში სამოქმედო გეგმის ჩამოყალიბება.

შეხვედრა დიალოგის რეჟიმში წარიმართა. გაიმართა დისკუსია და მხარეებმა ისაუბრეს პროგრამის მნიშვნელობაზე და ზოგადად დონორი ორგანიზაციების მიერ გაკეთებულ სიკეთეებზე საქართველოს მასშტაბით.

შეხვედრის დასასრულს, წალენჯიხის მუნიციპალიტეტის მერის მოადგილემ თამარ ბელქანიამ გამოთქვა მზაობა თანამშრომლობისათვის და აღნიშნა, რომ მუნიციპალიტეტი მზადაა ითანამშრომლოს გაეროს მოსახლეობის ფონდთან მთელი რიგი პრიორიტეტების განხორციელების საკითხებში

ვრცლად
არა რუსულ კანონს1

ჟორა მზარელუას სახელობის ჭადრაკის სახლში გაიმართა შეხვედრა საზოგადოების წარმომადგენლებთან

წალენჯიხის ჟორა მზარელუას სახელობის ჭადრაკის სახლში გაიმართა შეხვედრა საზოგადოების წარმომადგენლებთან, საკრებულოს წევრებთან მერის წარმომადგენლებთან.
შეხვედრის თემა: რატომ- არა რუსულ კანონს.

შეხვედრას წალენჯიხის მუნიციპალიტეტის ხელმძღვანელი პირები უძღვებოდნენ.

გაიმართა დისკუსია, სადაც ისაუბრეს რუსეთის ანექსიაზე, მიტაცებულ ტერიტორიებზე, საქართველოს მიმართ განხორცელებულ აგრესიაზე. იმ ჰიბრიდულ ომზე,რომლის ნაწილია რუსული კანონი.
აღინიშნა, რომ ეს კანონი არის ანტიდასავლური, რომელიც პირდაპირ ავიწროვებს ადამიანის უფლებებსა და მათ დამცველ საერთაშორისო ორგანიზაციებს.
ბოლო 30 წელია საქართველო სწორედ არასამთავრობო და დონორი ორგანიზაციების დახმარებით სულდგმულობს.
არაერთი პროგრამა განხორციელდა და დღესაც ხორციელდება მათი მხარდაჭერით საქართველოს მთელ ტერიტორიაზე.

ევროპაა სოციალური სამართლიანობა, თანასწორობა.
აღინიშნა,რომ ამ კანონის დამტკიცებით იზღუდება ყველა ის შესაძლებლობები,ეკონომიური მხარდაჭერა,რასაც საქათველო 30 წელია ღებულობს.
დისკუსიისას დასახელდა დონორი ორგანიზაციების მიერ განხორციელებული პროექტები წალენჯიხაში და მთლიანად საქართველოში.

დამსწრე საზოგდოებამ აღნიშნა, რომ ეს კანონი იქნება პასუხი სწორედაც კორუფციის ,ძალადობის, უკანონობისა და შერჩევითი სამართლის რომ რუსული კანონი არ არის საქართველოს არჩევანი,რომლისთვისაც ათეული წლებია ვიბრძვით. ქართველი ხალხის სისხლით მონაპოვარი გზა კი ევროპისკენაა.

ამ კანონის მიღება იქნება ქართულ ფასეულობებზე ტალახის სროლა, თითოეული დაღვრილი სისხლის და ქართველი გმირების დაცინვა.
კანონპროექტი აზიანებს ჩვენს ურთიერთობებს ევროპასთან ,აზიანებს ევროინტეგრაციის პროცესს.

ევროპასთან დაშორება კი აწყობთ მხოლოდ საქართველოს დაუძინებელ მტრებს.
ქართველი ხალხი, ახალგაზრდობა არ დაუშვებს მსგავსი კანონის ამოქმედებას, ჩვენ ვირჩევთ ევროპას.
რატომ არა რუსულ კანონს? -ამ კანონის მიხედვით, როგორც რუსეთში ასობით ორგანიზაცია და ადამიანი დასახელდება “უცხო ქვეყნის აგენტად”,რაც გნაპირობებს საქართველოს უკუსვლას.-აღინიშნა შეხვედრაზე.

ვრცლად
სოციალური კომისია1

სოციალური და ჯანდაცვის პროგრამების მართვისა და ადმინისტრირების კომისია

დღეს, 11 აპრილს, წალენჯიხის მუნიციპალიტეტის მერიის სოციალური და ჯანდაცვის პროგრამების მართვისა და ადმინისტრირების კომისიის მორიგი სხდომა გაიმართა.

სხდომას წალენჯიხის მუნიციპალიტეტის მერის მოადგილე თამარ ბელქანია ხელმძღვანელობდა.

სხდომას ესწრებოდნენ წალენჯიხის მუნიციპალიტეტის საკრებულოს წევრები: რაისა ჩანგელია საკრებულოს სოციალურ საკითხთა კომისიის თავმჯდომარე; მაია მიქავა ფრაქცია ,,ქართული ოცნება დემოკრატიული საქართველო”-ს თავმჯდომარე, გონერი კვარაცხელია-წალენჯიხის მუნიციპალიტეტის საკრებულოს წევრი, საკრებულოს ფრაქცია” წალენჯიხა საქართველოსთვის” თავმჯდომარე და კომისიის წევრები სხვადასხვა სტრუქტურული ერთეულებიდან.

სოციალური და ჯანდაცვის პროგრამების მართვისა და ადმინისტრირების კომისიამ განიხილა – ოჯახების ფინანსური მხარდაჭერის საკითხები და მიიღო გადაწყვეტილება ფინანსური დახმარების გაწევის შესახებ.

ვრცლად
იუვენტუსი1

სამუშაო შეხვედრა იუვენტუსის ბავშვთა ფეხბურთის აკადემიის მწვრთნელებთან

იუვენტუსის წალენჯიხის ბავშვთა ფეხბურთის აკადემიის მწვრთნელები ირაკლი ღაღანიძე და ეუჯენიო დე როსა წალენჯიხის მუნიციპალიტეტის ხელმძღვანელ პირებს შეხვდნენ.
შეხვედრის თემა-იუვენტუსელებისთვის ცენტრალური საფეხბურთო მოედნის გვერდით არსებული მოედნის ინფრასტრუქტურის მოწყობა გახლდათ.

იუვენტუსის ბავშვთა ფეხბურთის აკადემია , მსოფლიო დონის პროექტია,რომელიც წალენჯიხაში განხორციელდა და მის ბაზაზე არამარტო წალენჯიხელი ბავშვები, არამედ მეზობელი მუნიციპალიტეტიდან მოსულებიც ირიცხებიან და გადიან სწავლებას.

ნორჩი იუვნტუსელებისთვის, უახლოეს პერიოდში ცენტრალური მოედნის გვერდით, ახალი თანამედროვე ევროპული და იუვენტუსის აკადემიის მოთხოვნების შესაბამისი სტანდარტების საფეხბურთო მოედანი აშენდება.

შეხვედრაზე ასევე ისაუბრეს, აკადემიის წარმატებებზე, სამომავლო გეგმებზე.
აღანიშნავია ,რომ 2024 წლის 10-14 ივნისს, 2014 წელს დაბადებული ფეხბურთელებით, მონაწილეობას მიიღებებ მსოფლიო ჩემპიონატზე – ტურინში 🇮🇹
აკადემიის ფეხბურთელები ითამაშებენ მსოფლიო ჩემპიონატზე, სადაც მონაწილეობას მიიღებენ სხვადასხვა ქვეყნის გუნდები მთელი მსოფლიოს მასშტაბით.

ვრცლად
ჩოგბურთის კორტი1

პირველად წალენჯიხაში ჩოგბურთის კორტები გაიხსნა

რეგიონის მასშტაბით,პირველად წალენჯიხაში ჩოგბურთის კორტები გაიხსნა. მისი ღირებულება 200 000 ლარს შეადგენს.

ჩოგბურთის კორტი თანამედროვე სტანდარტების შესაბამისადაა კეთილმოწყობილი.

კორტზე განთავსებულია ტრიბუნები მაყურებელთათვის და ღამის განათება.

ევროსტანდარტი წალენჯიხაში.

ვრცლად
ევროკავშირის მისია1

ევროკავშირის სადამკვირვებლო მისიის წარმომადგენლები წალენჯიხის მუნიციპალიტეტის ხელმძღვანელ პირებს შეხვდნენ

ევროკავშირის სადამკვირვებლო მისიის წარმომადგენლები წალენჯიხის მუნიციპალიტეტის ხელმძღვანელ პირებს შეხვდნენ.

შეხვედრაზე ისაუბრეს მისიის საქმიანობაზე, საქართველოსა და რეგიონებში,წალენჯიხის მუნიციპალიტეტში ევროკავშირის პოლიტიკის ჩამოყალიბების საკითხებზე.

გიორგი ხარჩილავამ მადლობა გადაუხადა მისიის წარმომადგენლებს იმ წვლილისათვის,რასაც ისინი აკეთებენ საქართველოში უსაფრთხოებასთან დაკავშირებით.

როგორც მისიის წარმომადგენლებმა აღინიშნეს, მათი პრიორიტეტია კონფლიქტისპირა მხარეებს შორის ნდობის აღდგენა და ადგილობრივი მოსახლეობისთვის უსაფრთხო გარემოს შექმნა.

ვრცლად
9 აპრილიიი1

1989 წლის 9 აპრილიდან 35 წელი გავიდა

1989 წლის 9 აპრილიდან 35 წელი გავიდა.
დღეს, 9 აპრილს, წალენჯიხის მუნიციპალიტეტის ხელმძღვანელმა პირებმა , მერიისა და საკრებულოს წარმომადგენლებმა, არასამეწარმეო იურიდიული პირების, საზოგადოების წარმომადგენლებმა, პატივი მიაგეს 9 აპრილს დაღუპული გმირების ხს9ვნას.
ამ დღესთან დაკავშირებით, 9 აპრილის სკვერში ღონისძიება გაიმართა, სკვერი ტიტებით შეიმკო.
ღონისძიების მსვლელობისას დამსწრე საზოგადოებას სიტყვით მიმართა წალენჯიხის მუნიციპალიტეტის მერმა გიორგი ხარჩილავამ და ამ დღის მნიშვნელობაზე ისაუბრა. ქართული საგალობლები შეასრულეს ანსამბლებმა “ბედინერამ” და “მამულმა”. მხატვრული კომპოზიცია წარმოადგინეს მოსწავლეებმა.
9 აპრილს დაღუპულთა ხსოვნასთან დაკავშირებით, სოფელ ნაგურუს წმ. გიორგის სახელობის ტაძრის წინამძღვარმა დეკანოზმა ილია სარიამ პანაშვიდი გადაიხადა.
დღის ბოლოს, შემაჯამებელი ღონისძიება წალენჯიხის მთავარ ბიბლიოთეკაში გაგრძელდა.
ღონისძიებაზე სიტყვით გამოვიდა წალენჯიხის მუნიციპალიტეტის მერი გიორგი ხარჩილავა, მთავარი ბიბლიოთეკის დირექტორი ნუნუ შანავა ,საზოგადოების წარმომადგენლები.
ღონისძიება დისკუსიის ფორმატში წარიმართა.
9 აპრილთან დაკავშირებით , გიორგი ხარჩილავამ როგორც ერთერთმა ცხრა აპრილის მოვლენების მონაწილემ გაიხსენა თუ როგორ ვითარდებოდა მოვლენები. ისაუბრა იმ სპეცოპერაციაზე,რომელსაც 21 უდანაშაულო ადამიანი ემსხვერპლა. როგორ მოიწამლნენ ადამიანები გაზით და როგორი იყო ზოგადად რუსული სისასტიკით ჩადენილი დანაშაული.
“ეს თარიღი თავისუფლებისთვის ბრძოლის განუყოფელ და უმნიშვნელოვანეს ნაწილად მიიჩნევა საქართველოში.
მადლობა თავისუფლებისათვის ყველა იმ გმირს რომელმაც თავისუფლება გვაჩუქა”-აღნიშნა გიორგი ხარჩილავამ.

ვრცლად
iuventus1

წალენჯიხის “იუვენტუსი” -ს აკადემიის ფეხბურთელები ქ. თბილისში ამხანაგურ შეხვედრას მართავენ

წალენჯიხის “იუვენტუსი”-ს აკადემიის ფეხბურთელები ქ. თბილისში ამხანაგურ შეხვედრას მართავენ თბილისის
დინამოსა და ლოკომოტივთან.”

დღეს 8 აპრილს პირველი თამაში გაიმართა, რომელიც
2014 წელს დაბადებულმა ფეხბურთელებმა 5:0 მოიგეს

მეორე შეხვედრა ხვალ 9 აპრილს გაგრძელდება.
ნორჩი ფეხბურთელები დინამო აკადემიის ბაზაზე ცხოვრობენ

ნორჩი იუვენტუსელების შეხვედრებს ადგილზე წალნჯიხის მუნიციპალიტეტის მერის მოადგილე თამარ ბელქანია და მამუკა ხაზარაძე ქომაგობს.
ვულოცავთ ნორჩ ფეხბუთელებს მოგებას და ვუსურვებთ კვლავაც გამარჯვებებს.

ვრცლად
სპორტის დღე1

6 აპრილი სპორტის საერთაშორისო დღეა

6 აპრილი სპორტის საერთაშორისო დღეა.

6 აპრილი სპორტის საერთაშორისო დღედ მშვიდობისა და განვითარებისთვის გაეროს გენერალური ასამბლეის მიერ, ოლიმპიური კომიტეტის მხარდაჭერით 2013 წელს გამოცხადდა და მსოფლიო მაშტაბით ყოველწლიურად აღინიშნება.

ან დღესთან წალენჯიხის დაკავშირებით, მუნიციპალიტეტში, ა(ა)იპ წალენჯიხის სასპორტო ცენტრის ორგანიზებით, სპორტული ღონისძიებების ფარგლებში სხვადასხვა აქტივობები ჩატარდა.

წარმოდგენილი იყო სპორტის შემდეგი სახეობები: თავისუფალი ჭიდაობა, კარატე, კრივი, ფიტნესი, ჭადრაკი, კალათბურთი, მძლეოსნობა.

სპორტულ აქტივობებში მონაწილე სპორტსმენებს სიგელები და მედლები გადაეცათ.

ვრცლად
Skip to content